സങ്കീർത്തനങ്ങൾ 93

1യഹോവ വാഴുന്നു, അവിടന്ന് പ്രതാപം അണിഞ്ഞിരിക്കുന്നു;

യഹോവ പ്രതാപം അണിയുകയും ശക്തികൊണ്ട് അരമുറുക്കുകയും ചെയ്തിരിക്കുന്നു;

നിശ്ചയമായും ഭൂലോകം ഇളകാതെ ഉറച്ചുനിൽക്കും.

2അങ്ങയുടെ സിംഹാസനം അതിപുരാതനകാലത്തുതന്നെ സ്ഥാപിതമായതാണ്;

അവിടന്ന് അനാദികാലംമുതൽതന്നെ ഉള്ളവനും ആകുന്നു.

3യഹോവേ, നദികളിൽ പ്രളയജലം ഉയരുന്നു,

നദികൾ അവയുടെ ആരവം ഉയർത്തുന്നു;

തിരകൾ അലച്ചുതിമിർക്കുന്നു.

4വൻ ജലപ്രവാഹത്തിന്റെ ഗർജനത്തെക്കാളും

ശക്തിയേറിയ തിരകളെക്കാളും

ഉന്നതനായ യഹോവ ശക്തൻതന്നെ.

5അവിടത്തെ നിയമവ്യവസ്ഥകൾ സ്ഥിരമായിരിക്കുന്നു;

യഹോവേ, വിശുദ്ധി അങ്ങയുടെ ആലയത്തിന്

എന്നെന്നേക്കും ഒരു അലങ്കാരമാണ്.