Jakobo

Elin̄olo okutunda kwa

JAKOBO

Okulimukisa

Ebuka ya Jakobo kame ina kun̄oliwa ku munjili oisaniwa Jakobo. Esi kame sitwesahala nji wuyu neli Jakobo minaye Jesu, woyo neli omwendisi mu Keleke na kunyima mi neli ekalulo no kuta ya Jelusalema (Tikezo 15.13). Omutumiwa Paulusi naku mwisananga nji ‘Omusumo’ no Keleke mu Magalaata 2.9. Asiku kwiyeta kame alumela nji ebuka ya Jakobo kame ina kun̄oliwa mu myaka makumi atanu (50) munyima no kuleiwa kwa Kilesite. Kakuli Jakobo neli omwendisi no keleke mu Jelusalema, mwendi kame ana kun̄ola ebuka eyi yoli mu Jelusalema.

Jakobo kame an̄ola ebuka yaye ku masika no kukwana “likumi ni twili (12) awo anahasanele mu naha” (1.1) etuto mu buka ya Jakobo, kame ifanena oukutusisa yo kwa sikupumena onje kono omukwa no oukutusisa amaywi “likumi ni twili (12)” Kame sikumonisa nji Jakobo kame ana kun̄ola mukuyuleka kwa sikupumena no Majuda. Kakuli ebuka eyi kame ina kun̄oliwa nji ikeele mu maoko no sikwata sinene sawo asikubala, kame inakwamba ba tituto no kupula. Jokobo yonyene kame ana kutwalela onene omunahano ba ulikani mukaci no tumelo ni tikezo. Etumelo no niti mbaimonahala ni tikezo (2.17). Kame anaabi emamela mulibaka no kumonisa eketululo kwaanu asikufuma (2.1-4) mi kame atwambela nji tumamele neyo twaamba (3.1-12).

EMITWI NO YAAMBO

1. Jakobo kame akeeta asikubala aye. (1.1)

2. Esisitatamako kame asusuweza asikupumena koongota aba ayanda (1.2-27)

3. Cwale kame atwambela omo kutwesahalela etumelo okumonahaza mu tikezo (1.1-26)

4. Munyima no eyi kame aamba amaata no maywi (3.1-12)

5. Cwale Jakobo kame atoloka omo kushutanena okushangama kwa Nyambe ni kushangama no litunga (3.13-4;10).

6. Esisistatamako kame alemusa asikubala mulibaka no kukununeka (4.11-5;6).

7. Jakobo kame amana ebuka yaye mu 5.7-20 mu kuba etitaelo.