2 Jowani

Elin̄olo no wili lya

Jowani

Okulimukisa ku lin̄olo no wili lya Jowani

Elin̄olo no wiili lya Jodani kame lina kun̄oliwa kwa Mutumiwa Jowani mumwaka no 90 (AD) munyima no kuleiwa kwa Kilesite. Kono Jowani ka kumonisa yonyene nji yo mun̄oli walyo, okubita nji akwisane nji yokame omukulu. Emitwi no yambo ya 2 Jowani kama isheteta kuukufeka kanyi emitwi no yambo eto tiwaniwa mu buka iisaniwa Eliywi okwamana ni Jodani. Onene luli kame imonahalela mu mukwa omo aongoteteta etaelo ya Jesu no oukusinga omunjili ku munjili mane ni mukwa owo wendelela ni kusinga Jesu ni kon̄elela etitaelo (1.5-6; Jowani 15.9-10). Kame kulumeliwa nji Jowani nakun̄ola Eliywi okwamana kwa Jowani mane ni man̄olo aatu, 1 Jowani, 2 Jowani ni 3 Jowani abo yo yoya mu Efesasi. Jowani naku tuma elin̄olo lyaye ku mukati no kuketiwa naanaye. Kame anaku singa okubapanya ku keleke cwale sebeli waamba nji nilyalumeli onje. Elibaka lya Jowani mukun̄ola elin̄olo eli neli okususuweza ekeleke ni kwaaba emamela no aiyeti no mapwa.

Emitwi no Titaba

Jowani kame alimukisa elin̄olo mu kwaamba nji lyanyine ni mukulumelisa asiku litambula (2 Jowani 1.1-3).

Cwale sebeli osusuweza ekeleke ni kwaa hupulisa etaelo noku neneba (2 Jowani1.4-6).

Esisitatamako ni kwaaba emamela no aiyeti no mapwa (2 Jowani1.7-11)

Jowani naku mana elin̄olo lyaye muku twala okukeeta okutunda kwa lumeli mu keleke omo ayoya (2 Jowani1.12-13).