प्रेरितों

प्रेरितों के कामों का वर्नन

प्रेरितों को कामों को वर्नन

परिचय

प्रेरितों को कामों की किताब मण्डली की सुरूवात की कहानी आय अऊर यो यरूशलेम सी यहूदिया, सामरियां अऊर ओको सी आगु तक कसी फैल गयी, जसो यीशु न अपनो चेलावों ख स्वर्ग म जान सी पहिले बतायो होतो।

प्रेरितों को काम अंदाजन यीशु मसीह को जनम को बाद ६०-६४ साल को बीच लिख्यो गयो होतो कहालीकि किताब जेल सी पौलुस छुटन को पहिले खतम होवय हय। लूका न भी प्रेरित पौलुस को संग यात्रा की अऊर शायद अन्ताकिया शहर म नियम शास्त्र लिख्यो। प्रेरितों न लूका को सुसमाचार ख सुरू रख्यो अऊर यीशु को स्वर्ग म जान को संग सुरू होवय हय। लिखावट म लूका को उद्देश उन्को सुसमाचार को जसोच हय। ऊ थियुफिलुस चाहत होतो, संग म मसीहियों की बढ़ती संख्या सी निश्चित हय कि उन्ख का लिखायो गयो होतो अऊर येकोलायी उन्न यीशु को जीवन अऊर मसीही धर्म को प्रसार को एक सही लेख लिख्यो।

प्रेरितों की किताब हमरो लायी सुरूवाती मण्डली को उदाहरन प्रदान करय हय अऊर यीशु म विश्वास को जीवन लायी यो कसो दिखावत होतो। प्रेरितों को उदाहरन हम्ख दिखावय हय कि दूसरों ख सुसमाचार सन्देश फैलावन म पवित्र आत्मा की शक्ति पर भरोसा कसो करनो हय।

रूप-रेखा

१. पहिले पवित्र आत्मा चेलावों पर आवय हय अऊर मण्डली बढ़ावन लगय हय।

२. येको बाद मण्डली ख सतायो जावय हय अऊर यरूशलेम सी आगु फैलावन लगय हय।

३. येको बाद पौलुस अपनी पहिली प्रचार यात्रा पर जावय हय।

४. येको बाद सभा न यरूशलेम म बैठक कर क् यो तय करयो कि नयो विश्वासियों की का जरूरत हय।

५. पहले पौलुस अपनी दूसरी प्रचार यात्रा पर जावय हय।

६. येको बाद ऊ अपनी तीसरी प्रचार यात्रा पर जावय हय।

७. तब पौलुस ख यरूशलेम म जेल म डाल्यो गयो।

८. आखरी म पौलुस ख रोम शहर म पहुंचायो जानो।