ଜାକୁବ

ଯାକୁବଙ୍କ ପତ୍ର

ଜାକୁବ ରା଼ଚାମାନି ଆ଼କୁ

ମୂଲୁ ହା଼ଡା

ଈ ଜାକୁବ ପତିତି ଜାକୁବ ଇନାସି ରା଼ଚାମାଚେସି । ଏ଼ୱାସି ଜୀସୁ କ୍ରୀସ୍ତ ତାୟି ଆ଼ହାମାଣ୍‌ମ୍ବିନେସି, ଏ଼ମ୍ବାଆସିକି କୁଲମିତି ସା଼ଲୱି କିନାସି ଅ଼ଡ଼େ ଜିରୁସାଲମତା ବେ଼ରଣି କିନାସି ମାଚେସି

ଜାକୁବ ତାନି ପତିତା “ଇତାଲା ଆତାଲା ଦେ଼ସାଣା ରାଞ୍ଜାଣା ବିଚାଣା ଆ଼ହାମାନି ବା଼ର ଗଟା କୂଲୁ ଲ଼କୁ” କାତା ରା଼ଚାମାନେସି

ପତିତା ମାନାୟି

୧. ଜାକୁବ ତାନି ପତି ପ଼ଡ଼ୱି ଆ଼ନାରାଇଁ ଜହରା କିନାୟି ।

୨. କ୍ରୀସ୍ତାନା ଲ଼କୁଣି କସ୍ତ ବେ଼ଲାତା ସୂସ୍ତି ତଲେ ମାଞ୍ଜାଲି ୱେହ୍‌ନାୟି ।

୩. କାମା ତଲେ ନାମୁତି ତ଼ହ୍‌ନାୟି ମାନେ ।

୪. ଜ଼ଲିନି ବ଼ଲୁୟାଁତି ବା଼ଡ଼୍‌ୟୁ ।

୫. ମାହାପୂରୁତି ବୁଦି ଦାର୍‌ତିତି ବୁଦି କିହାଁ ହା଼ରେକା ପାର୍‌ଡ଼ା ମାନେ ।

୬. ବଡପଣ ଆ଼ନି କାତା ।

୭. ଜାକୁବ ରା଼ନି ବେ଼ଲାତା ନେହେଁତାକି ଜା଼ପିନି କାତା ରା଼ଚିନାୟି ।