୧ଜହ

ଯୋହନଙ୍କ ପ୍ରଥମ ପତ୍ର

ଜହନ ରା଼ଚାମାନି ର଼ ଲମ୍ବର ଆ଼କୁ

ମୂଲୁ ହା଼ଡା

ଜହନ ରା଼ଚିତି ର଼ ଲମ୍ବର ଆ଼କୁତି ଜୀସୁ କ୍ରୀସ୍ତ ଜାର୍ନାଆ଼ତି ୫୦ ଟିଏ ୧୦୦ ବାର୍ସା ଡା଼ୟୁ ପାଣ୍ତ୍‌ୱିଆ଼ହାମାନି ଜହନ ରା଼ଚାମାନେସି । ଜହନ ଜାହାରାଇଁ ଈ ଆ଼କୁତି ରା଼ଚାମାଇଁ ଇଞ୍ଜିଁ ୱେସି ହିଲଅସି, ସାମା ଜହନ ତଲିତି ଆ଼କୁତା ଏ଼ୱାସି ଜୀସୁ କ୍ରୀସ୍ତତି ନୀଡାମାଚାଣି ଅ଼ଡ଼େ ହା଼ହାନା ୱେଣ୍ତେ ନିଙ୍ଗିତାଣି କାନୁ ତଲେ ମେସାମାନମି ଇଞ୍ଜିଁ ସା଼କି ହୀହିମାନେସି

ବୁଦିଗାଟାତମି ଇଞ୍ଜାକଡିମାନି ର଼ ଗଚିତି ଲ଼କୁ ତା଼ଣାଟି କୁଲମି କସ୍ତ ବେଟାଆ଼ହି ମାଚାଟି ଜହନ କ୍ରୀସ୍ତାନା ଲ଼କୁକି ଈ ଆ଼କୁ ରା଼ଚିମାଚେସି । ଏ଼ୱାରି ନାମୁ ଜୀସୁ ସାତେଏ ମାହାପୂରୁ ମାଚେସି ସାମା ଦାର୍‌ତିତା ମାଚିବେ଼ଲାତା ଏ଼ୱାସି ଊଙ୍ଗା ଅ଼ଡ଼େ ନେତେରିତି ମାଣ୍‌ସି ହିଲାଆତେସି । ଜହନ ଜୀସୁ କ୍ରୀସ୍ତଇଁ କାନୁ ତଲେ ମେସାମାନି ସା଼କି ଅ଼ଡ଼େ ତାନି କେୟୁ ଏ଼ୱାଣାଇଁ ଡୀଗାମାନାକି ଏ଼ୱାସି ଈଦାଆଁ ରା଼ଚାମାନେସି,

ପତିତା ମାନାୟି

୧. ଆ଼କୁତି ପୁଣ୍‌ମ୍ବିକିନାୟି ଅ଼ଡ଼େ ରା଼ଚିମାନି କାତା ୱେହ୍‌ନାୟି ।

୨. ମାହାପୂରୁ ଏ଼ନିକିଁ ଉଜେଡ଼ି ଅ଼ଡ଼େ ଜୀସୁ ଲେହେଁ ନୀଡାଲି ୱେସାମାନେସି ।

୩. ରଅସି ରଅଣାଇଁ ଜୀୱୁ ନ଼ନାଣି ୱେଣ୍ତେ ଅଣ୍‌ପି କିନାୟି ।

୪. ଆ଼କୁତି ରା଼ପ୍‌ନାୟି ।