Psalm 13

[Psalm lal David]

Sie Pre In Suk Kasru

1LEUM GOD, kom ac mulkinyula putaka?

Ya kom ac mulkinyula ma pahtpat?

Kom ac wikinkomla likiyu nwe ngac?

2Putaka nga ac muteng mwe keok nu sik?

Ac putaka insiuk ac toasrkin ma inge ke len ac fong?

Putaka mwet lokoalok luk ac kutangyula?

3Ngetma nu sik, O LEUM GOD luk, ac topukyu.

Folokonak ku luk, ac tia lela nga in misa.

4Nikmet lela tuh mwet lokoalok luk in fahk, “Kut kutangulla.”

Nikmet lela elos in isrunyu ke munasla luk.

5Nga lulalfongi na lungse pwaye lom;

Nga ac fah insewowo mweyen kom ac fah moliyula.

6Nga ac fah on nu sum, O LEUM GOD,

Mweyen kom nuna wo nu sik.