Biblica® Open Nkanda wu Moyo, Nguizani Yimona ayi Minkunga 2002
Minkunga 82
Nzambi wulembo sambisa bapfumu ba makanda.
Nkunga Asafi.
Nzambi telimini va lukutukunu lunneni.
Wulembo vani nzengolo va khatitsika “zinzambi”.
Nate thangu mbi luela nuaninanga mutu kambulu wusonga
ayi luela monisinanga thalu yi zizi
kuidi batu bambimbi e ?
Nuanina mutu wulebakana ayi muana wusana.
Luvanga malulama kuidi nsukami ayi kuidi mutu weti yamusu.
Kulanu mutu wulebakana ayi nsukami ;
bika luba vukisa mu mioko mi batu bambimbi.
Basi zaba kadi diambu ko ayi basudikanga kadi diambu ko ;
Mu tombi beti diatila ;
zifundasio zioso zi ntoto zilembo nikuka.
Minu ndituba :
“luidi zinzambi ayi beno boso luidi
bana ba Nzambi yizangama.”
Vayi luela fua banga batu boso,
luela bua banga woso kuandi nyadi.
Telama, a Nzambi, sambisa ntoto !
Bila makanda moso madi kiuka kiaku.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.