Biblica® Open Nkanda wu Moyo, Nguizani Yimona ayi Minkunga 2002
Minkunga 110
Niandi widi va kimosi ntinu ayi nganga Nzambi
Nkunga Davidi.
Yave wutuba kuidi Pfumu ama :
“Vuanda va koko kuama ku lubakala
nate ndikitula bambeni ziaku kima kioki
beti tetika malu mu diambu di malu maku.”
Yave wela nonuna nkawa aku wu lulendo wu kipfumu tona ku Sioni ;
wela yadila va khatitsika bambeni ziaku.
Minkangu miaku mi masodi miela ba luzolo lumboti ;
mu lumbu kiaku ki mvita
bavuata nzitusu wunlongo
tona mu khiesa buisi
wela tambula bimi bi bumuana buaku.
Yave wuzenga ndefi, kalendi viakisa mayindu mandi ko :
“ngeyo widi nganga Nzambi mu zithangu zioso
mu ntanda wu Meleshisedeki.”
Yave widi va koko kuaku ku lubakala ;
wela kosikisa mintinu mu lumbu ki miangu miandi mi ngolo.
Wela sambisa makanda, kupikisa bafua
Niandi wela kosikisa minyadi va ntoto wumvimba.
Niandi wela nua nlangu wu mvuila mu ndambu nzila,
diawu kela vumbudila ngolo ntu andi.
Biblica® Open Nkanda wu Moyo, Nguizani Yimona ayi Minkunga 2002. Copyright © 2002 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.