Yowele 3

Mpeve ya Yave samu na bantu nyonso

1Na manima ya mambu yina1, mu ke mwangisa Mpeve ya munu na bantu nyonso.

Bana ya beno ya babakala

mpe ya bakento ke bikula.

Binunu ya beno ke kuzwa bandosi,

mpe bantwenya ya beno

ke kuzwa balumoni.

2Na bilumbu yina,

mu ke mwangisa mpe Mpeve

ya munu na bisadi

ya babakala mpe ya bakento.

3Mu ke sala mambu ya ngitukulu

na zulu mpe na ntoto.

Ya ke vwanda: menga, tiya,

mpe mulinga ke nanguka.

4Ntangu ke kuma ndombe,

mpe ngonda ke kuma

mbwaki mutindu menga.

Mambu nyonso yayi ke salama

ntete Kilumbu ya Yave kuma2,

kilumbu ya nene mpe ya nsisi.

5Na yina, konso muntu yina ke bokila Nkumbu ya Yave ke vuuka3.

Ya tsyelika, na zulu ya mongo ya Siyone,

na Yelusalemi, ke vwanda na bayina ke vuuka na lufwa, mutindu Yave tubaka yawu.

Ni na kati ya bawu Yave ke bokila

bayina ke zinga.