Zaburi 29

Zaburi ya Daudi.

1Mpeni sifa Yahwe, enyi wana wa Mungu! Mpeni sifa Yahwe kwa ajili ya utukufu wake na nguvu. 2Mpeni Yahwe utukufu ambao jina lake linastahili. Mpigieni magoti Yahwe katika mapambo ya utakatifu. 3Sauti ya Yahwe imesikika zaidi ya maji; Mungu wa radi ya utukufu, radi yaYahwe i juu ya maji mengi. 4Sauti ya Yahwe ina nguvu; sauti ya Yahwe ni kuu. 5Sauti ya Yahwe huivunja mierezi; Yahwe huivunja vipande vipande mierezi ya Lebanon. 6Yeye huifanya Lebanoni kuruka kama ndama wa ng'ombe na Sirioni kama mwana wa nyati. 7Sauti ya Yahwe hutoa miale ya moto. 8Sauti ya Yahwe hutetemesha Jangwa; Yahwe hutetemesha jangwa la Kadeshi. 9Sauti ya Yahwe huufanya miti mikubwa kutikisika na huipukutisha misitu. Kila mmoja katika hekalu lake husema, “Utukufu!” 10Yahwe hukaa kama mfalme juu ya mafuriko; Yahwe hukaa kama mfalme milele. 11Yahwe huwatia nguvu watu wake; Yahwe huwa bariki watu wake na amani.