2 Yohani 1

1Unuhuma hugogolo uhuluta nuvadala avasayiwe na vana vavene vavo nevaganile katiha uvolweli sio umwe netu bali navoni avavihwelewa uvuyalweli. 2Husababu yeyo yelegati mvenena yigona sana ipaha humwisio. 3Ukuhungu nu huhovaka chale nufwe uhuhuma hwangulove na hwa swambe Uyesu avana va Daada vale nulugano. 4Naho wihe sana navile nigundula baazi ya vana vavile viluta vunonu, vavile vipohela ululagelo hwa Daada. 5Ululino ni huhudova, vedala, sio nihuhwa ndihela ululagilo ulupya, nayuve vidala yinogiwa uhuganana yufwe hwa yufwe. uvu vuvugane uvunigiwa tugendage nalwo. 6Ulu lulagelo ulwutapoline uhuhuma pavutengulelo tutahiwa uhugenda nalwo. 7Uhuva avadesivingi vahumile mkelunga savaeli we uhumwedena ava wotwita vadesi. 8Mwelole mwevene amambo gago samwayalohe gala aga mwavombile. 9Hela mnu endelele huvulongo ehuduma eyale nayo eya Kelesti. 10Kama umunu ihwicha huliomwensileta amafundesio msite unupohela mnyumba namsite uhuponia. 11Umnu uviponia iva alungine humbivi. 12Nelenago amambo mingi aga huusimbila, sana nogwe uhasimbila mlikalatasi nu wino. Lakini ninogwa uhwi cha twa gane humiho, uhuta uhuhovosha hweto huve sawa. 13Avana va naacha venyo wigane che vihuvaponia.