ಅ. ಕೃ.

ಅಪೊಸ್ತಲರ ಕೃತ್ಯಗಳು

ಗ್ರಂಥಕರ್ತೃತ್ವ

ವೈದ್ಯನಾದ ಲೂಕನು, ಈ ಪುಸ್ತಕದ ಗ್ರಂಥಕರ್ತನು. ಅವನು ಅಪೊಸ್ತಲರ ಕೃತ್ಯಗಳಲ್ಲಿರುವ ಅನೇಕ ಘಟನೆಗಳ ಪ್ರತ್ಯಕ್ಷದರ್ಶಿಯಾಗಿದ್ದನು ಅನೇಕ ವಚನಭಾಗಗಳಲ್ಲಿ ನಾವು ಎಂಬ ಪದವನ್ನು ಉಪಯೋಗಿಸುವುದರ ಮೂಲಕ ಲೂಕನು ಅದನ್ನು ದೃಢಪಡಿಸುತ್ತಾನೆ (16:10-17; 20:5-21:18; 27:1-28:16). ಸಾಂಪ್ರದಾಯಿಕವಾಗಿ ಅವನನ್ನು ಅನ್ಯಜನಾಂಗದವನು ಎಂದು ಪರಿಗಣಿಸಲಾಗಿದೆ, ಪ್ರಾಥಮಿಕವಾಗಿ ಅವನು ಸುವಾರ್ತಿಕನಾಗಿದ್ದನು.

ಬರೆದ ದಿನಾಂಕ ಮತ್ತು ಸ್ಥಳ

ಸರಿಸುಮಾರು ಕ್ರಿ.ಶ. 60-63 ರ ನಡುವೆ ಬರೆಯಲ್ಪಟ್ಟಿದೆ.

ಬರವಣಿಗೆಯ ಪ್ರಮುಖ ಸ್ಥಳಗಳು ಯೆರೂಸಲೇಮ್, ಸಮಾರ್ಯ, ಲುದ್ದ, ಯೊಪ್ಪ, ಅಂತಿಯೋಕ್ಯ, ಇಕೋನ್ಯ, ಲುಸ್ತ್ರ, ದೆರ್ಬೆ, ಫಿಲಿಪ್ಪಿ, ಥೆಸಲೋನಿಕ, ಬೆರೋಯ, ಅಥೇನೆ, ಕೊರಿಂಥ, ಎಫೆಸ, ಕೈಸರೈಯ, ಮೆಲೀತೆ, ರೋಮ್.

ಸ್ವೀಕೃತದಾರರು

ಲೂಕನು ಥೆಯೊಫಿಲನಿಗೆ ಬರೆದನು (ಅ.ಕೃ. 1:1). ದುರದೃಷ್ಟವಶಾತ್, ಥೆಯೊಫಿಲನು ಯಾರು ಎಂಬ ಬಗ್ಗೆ ಹೆಚ್ಚಿನ ಮಾಹಿತಿಯಿಲ್ಲ. ಆದರೆ ಕೆಲವು ಸಾಧ್ಯತೆಗಳಿವೆ ಅವುಗಳು ಯಾವುವೆಂದರೆ: ಅವನು ಲೂಕನ ಅಶ್ರಯದಾತನಾಗಿರಬಹುದು, ಅಥವಾ ಥೆಯೊಫಿಲನು (“ದೇವರನ್ನು ಪ್ರೀತಿಸುವವನು” ಎಂದರ್ಥ) ಎಂಬ ಪದವನ್ನು ಸಾರ್ವತ್ರಿಕವಾಗಿ ಎಲ್ಲಾ ಕ್ರೈಸ್ತರನ್ನು ಸೂಚಿಸುವುದಕ್ಕಾಗಿ ಬಳಸಲಾಗಿದೆ.

ಉದ್ದೇಶ

ಅಪೊಸ್ತಲರ ಕೃತ್ಯಗಳ ಉದ್ದೇಶವು ಸಭೆಯ ಉತ್ಪತ್ತಿ ಮತ್ತು ಬೆಳವಣಿಗೆಯ ಕಥೆಯನ್ನು ಹೇಳುವುದಾಗಿದೆ, ಇದು ಸಾನ್ನಿಕನಾದ ಯೋಹಾನನಿಂದ, ಯೇಸುವಿನಿಂದ ಮತ್ತು ಸುವಾರ್ತೆಗಳಲ್ಲಿ ಆತನ ಹನ್ನೆರಡು ಮಂದಿ ಅಪೊಸ್ತಲರಿಂದ ಪ್ರಾರಂಭವಾದ ಸಂದೇಶವನ್ನು ಮುಂದುವರಿಸುವಂಥದ್ದಾಗಿದೆ. ಇದು ಪಂಚಾಶತ್ತಮ ದಿನದಂದು ಪವಿತ್ರಾತ್ಮನ ಬರುವಿಕೆಯಿಂದ ಮೊದಲುಗೊಂಡಿರುವ ಕ್ರೈಸ್ತತ್ವದ ಹರಡುವಿಕೆಯ ಬಗ್ಗೆ ದಾಖಲೆಯನ್ನು ನಮಗೆ ನೀಡುತ್ತದೆ.

ಮುಖ್ಯಾಂಶ

ಸುವಾರ್ತೆಯ ಹರಡುವಿಕೆ

ಪರಿವಿಡಿ

1. ಪವಿತ್ರಾತ್ಮನ ವಾಗ್ದಾನ — 1:1-26

2. ಪವಿತ್ರಾತ್ಮನ ಪ್ರತ್ಯಕ್ಷವಾಗುವಿಕೆ — 2:1-4

3. ಪವಿತ್ರಾತ್ಮನಿಂದ ಶಕ್ತಿ ಹೊಂದಿಕೊಂಡ ಅಪೊಸ್ತಲರ ಸೇವೆ ಮತ್ತು ಯೆರೂಸಲೇಮಿನಲ್ಲಿರುವ ಸಭೆಯ ಹಿಂಸೆ — 2:5-8:3

4. ಪವಿತ್ರಾತ್ಮನಿಂದ ಶಕ್ತಿ ಹೊಂದಿಕೊಂಡ ಅಪೊಸ್ತಲರ ಸೇವೆ ಯೂದಾಯ ಮತ್ತು ಸಮಾರ್ಯದಲ್ಲಿ — 8:4-12:25

5. ಪವಿತ್ರಾತ್ಮನಿಂದ ಶಕ್ತಿ ಹೊಂದಿಕೊಂಡ ಅಪೊಸ್ತಲರ ಸೇವೆ ಪ್ರಪಂಚದ ಇತರ ಭಾಗಗಳಲ್ಲಿ — 13:1-28:31