ಹೆಬ್ರೆವ್

ಇಬ್ರಿಯರಿಗೆ ಬರೆದ ಪತ್ರಿಕೆ

ಹೆಬ್ರೆವಾಕ್ನಿ ಲಿವಲ್ಲಿ ಚಿಟಿ

ವಳಕ್

ಹೆಬ್ರೆವಾಕ್ನಿ ಲಿವಲ್ಲೆ ಪುಸ್ತಕ್ ಎಕ್ ಉಮ್ಮೆದ್ ಭರ್‍ತಲಿ ಚಿಟ್ ಹೊವ್ನ್ ಹಾಯ್, ಜೆಜುನ್ ಜುನ್ನ್ಯಾ ಕರಾರಾತ್ಲಿ ಲೈ ಪ್ರವಾದಾ ಕಸಿ ಫುರಾ ಕರ್ಲ್ಯಾನ್ ಮನ್ತಲೆ ದಾಕ್ವುನ್ ದಿತಾ. ಹೆ ಶಿಕಾಪಾಚ್ಯಾ ನಮನಿ ಲಿವಲ್ಲೆ ಹಾಯ್, ಹ್ಯಾತುರ್ ಜೆಜುನ್ ಜುನ್ನ್ಯಾ ಕರಾರಾತ್ ಪ್ರವಾದನ್ ಅನಿ ಜುದೆವಾಂಚ್ಯಾ ಮೊಟ್ಯಾ ಯಾಜಕಾಚೆ ಕಾಮ್ ಕಸೆ ಫುರಾ ಕರ್ಲ್ಯಾನ್ ಮನ್ತಲ್ಯಾಕ್ ಸಾಟಾಕಿಂತಾಬಿ ಜಾಸ್ತಿಚೆ ಜುನ್ನ್ಯಾ ಕರಾರಾತ್ಲಿ ಉದಾರನ್ ಹಾತ್ ಹೆಚ್ಯಾ ವೈನಾ ಹಿ ವಿಶಯಾ ಸಮಾ ದಿಸುನ್ ಯೆತಾತ್.ಹ್ಯಾ ಕಾರನಾ ಸಾಟ್ನಿ ಹೆ ಪುಸ್ತಕ್ ಜುದೆವಾಂಚ್ಯಾ ವಿಶ್ವಾಸಿ ಲೊಕಾಕ್ನಿ ಉಮ್ಮೆದ್ ದಿತಲೆ ಪುಸ್ತಕ್ ಮನುನ್ ಹೊತಾ. ಜೆಜುನ್ ಖಾಯ್ದೆ ಕಸೆ ಫುರಾ ಕರ್ಲ್ಯಾನ್ ಅನಿ ತೆಚ್ಯಾ ವೈನಾ ಯಾಜಕಾಕ್ನಿ ಅನಿ ಕನ್ನಾಬಿ ಬಲಿ ಭೆಟ್ವುತಲೆ ಗರಜ್ ನಾ ಮನ್ತಲೆ ಹೆಬ್ರೆವಾಂಚೆ ಪುಸ್ತಕ್ ದಾಕ್ವುನ್ ದಿತಾ, ಸಗ್ಳ್ಯಾ ಯೆಳಾ ಸಾಟ್ನಿ ಜೆಜುನ್ ಎಗ್ದಾಚ್ ಸಗ್ಳ್ಯಾ ಪಾಪಾಂಚ್ಯಾ ಸಾಟ್ನಿ ಬಲಿ ಹೊಲೊ. ದೆವಾಚೆರ್ ಬರೊಸೊ ಥವ್ಕ್ ಅನಿ ತೆಕಾ ಕಾರನ್ ಹೊತಲ್ಯಾ ಜೆಜುಕ್ರಿಸ್ತಾಚ್ಯಾ ಫಾಟ್ನಾ ಜಾವ್ಚೆ ಮನುನ್ ಹೆಬ್ರೆವಾಂಚೆ ಪುಸ್ತಕ್ ಅತ್ತಾಚ್ಯಾ ಅಮ್ಚ್ಯಾ ಕಾಲಾಚ್ಯಾ ವಿಶ್ವಾಸಿ ಲೊಕಾಕ್ನಿಬಿ ಉಮ್ಮೆದ್ ಭರಿ ಸಾರ್ಕೆ ಕರ್ತಾ.

ಹೆಬ್ರೆವಾಕ್ನಿ ಲಿವಲ್ಲೆ ಪುಸ್ತಕ್ ಕೊನಿ ಲಿವ್ಲಾ ಮನ್ತಲೆ ಕೊನಾಕ್ಬಿ ಗೊತ್ತ್ ನಾ.ಖರೆ ಶಿಕಲಿ ಲೊಕಾ ಅಪೊಸ್ತಲ್ ಹೊವ್ನ್ ಹೊತ್ತೊ ಪಾವ್ಲು,ಲುಕ್ ನಾತರ್ ಬಾರ್ನಾಬಸ್ ಹೆನಿ ಹೊವ್ಕ್ ಫಿರೆ ಮನುನ್ ಸಲಹಾ ದಿತ್ಯಾತ್. ಹೆ ಲಿವಲ್ಲೊ ಎಳ್ ಖಲೊ ಮನ್ತಲೆ ಗೊತ್ತ್ ನಾ ಖರೆ ಕ್ರಿಸ್ತ್ ಜಲಮಲ್ಲ್ಯಾ ಮಾನಾ ಸತ್ತರ್ ವರ್ಸಾಚ್ಯಾ ಅದ್ದಿಚ್ ಲಿವಲ್ಲೆ ಹಾಯ್ ಮನುನ್ ವಿಶ್ವಾಸ್ ಕರ್ತಾಂವ್ ಸತ್ತರ್ ವರ್ಸಾತ್ ಜೆರುಜಲೆಮ್ ಶಾರಾಕ್ ನಾಸ್ ಕರಲೆ ಹೊತ್ತೆ ಖರೆ ಹಿ ಚಿಟ್ ಲಿವ್ತಲೊ ಜೆರುಜಲೆಮ್ ನಾಶ್ ಕರುನ್ ಹೊತಾ ಮನ್ತಲ್ಯಾ ರಿತಿನ್ ಬೊಲ್ತಾ. ಹೆ ಹಿಬ್ರು ಪುಸ್ತಕ್ ರೊಮ್ ಶಾರಾತ್ ರಾವ್ನ್ ಲಿವಲ್ಲೆ ಹಾಯ್ ಮನ್ತಾ

ಭಾಗ್

1. ಲಿವ್ತಲ್ಯಾನ್ ದೆವಾಚೆ ಫಿಡೆ ಹೊತಲೆ ಹೊತ್ತ್ಯಾಚ್ಯಾ ವಿಶಯಾತ್ ಸಾಂಗ್ಲ್ಯಾನ್, ಅನಿ ದೆವಾಚ್ಯಾ ದುತಾಂಚ್ಯಾಕಿಂತಾಬಿ ಶ್ರೆಸ್ಟ್ ಮನುನ್ ದಾಕ್ವುನ್ ದಿತಾ

ಮಾನಾಸರ್ ತೊ ಜರುಜಲೆಮಾಚ್ಯಾ ದೆವಾಚ್ಯಾ ಗುಡಿತ್ ಸೆವಾಕರ್ತಲ್ಯಾ ಯಾಜಕಾಂಚ್ಯಾನ್‍ಬಿ ಜೆಜು ಮೊಟೊ ಮನುನ್ ದಾಕ್ವುನ್ ದಿತಾ

ಜೆಜು ಮೊಯ್ಜೆಚ್ಯಾ ವೈನಾ ಅಪ್ನಾಚ್ಯಾ ಲೊಕಾಂಚ್ಯಾ ವಾಂಗ್ಡಾ ಕರಲ್ಯಾ ಜುನ್ನ್ಯಾ ಕರಾರಾಚ್ಯಾ ಕಿಂತಾಬಿ ಜೆಜುಚಿ ಸೆವಾ ಕರ್ತಲೆ ಕಾಮ್ ಮೊಟೆ ಮನುನ್ ದಾಕ್ವುನ್ ದಿತಾ

ಜೆಜು ಸಗ್ಳ್ಯಾ ನಮನಿ ಮೊಟೊ ಮನುನ್ ವಿವರನ್ ಕರಲ್ಯಾ ಮಾನಾ ಲಿವಲ್ಲೊ ಲೈ ನಮನಿಚಿ ಪ್ರಾಯೊಗಿಕ್ ಮಾರ್ಗ್ ದರ್ಶನಾ ದಿತಾ

ಆಕ್ರಿಕ್ ಲಿವ್ತಲೊ ಉಲ್ಲಿ ಉಮ್ಮೆದಿಚಿ ಗೊಸ್ಟಿಯಾ ಸಾಂಗುನ್ ನಮಸ್ಕಾರ್ ಮನುನ್ಗೆತ್ ಚಿಟ್ ಮುಗಸ್ತಾ