Marcos

RI UTZ LAJ TZIJ RE RI JESÚS RI XUTZꞌIBꞌAJ RI MARCOS

Majibꞌal re

Ri utz laj tzij re ri wuj rech Marcos xtzꞌibꞌaxik pa ri junabꞌ 60 are alaxinaq chi ri Cristo. Are ri Juan Marcos xtzꞌibꞌan we wuj riꞌ. Are waꞌ ri nabꞌe wuj ri xtzꞌibꞌaxik rech ri Kꞌakꞌ Testamento. We wuj riꞌ are nabꞌe xtzꞌibꞌax cho ri wuj rech Mateo xuqujeꞌ Lucas. Kutzijoj jas xkꞌulmatajik are xchapleꞌtaj loq ri utz laj tzij rech ri Jesucristo. Ri

Ri xtzꞌibꞌan we wuj riꞌ kumajij utzijoxik ri xkꞌulmatajik rukꞌ ri Juan Bꞌanal qasanaꞌ che taq riꞌ are xutzijoj ri utz laj tzij pa ri ulew ri katzꞌinowik.

We kꞌulmatajik riꞌ kachapleꞌtaj loq pa ri qꞌat 1:1-8.

Are kꞌu ri qꞌat 1:9-13 kutzijoj rij ri uqasanaꞌ ri Jesús.

Ri qꞌat 1:14 katoꞌtaj pa ri qꞌat 9:50 kutzijoj rij ri majibꞌal re ri uchak ri Jesús ri xubꞌan pa Galilea. Ri nimalaj uloqꞌanik qukꞌ uj ri uj winaq xuqujeꞌ kutzijoj chi ri Dios sibꞌalaj uloqꞌ ri Jesús.

Pa ri qꞌat 11:1-11 kutzijoj rij jas xubꞌan ri Jesús are xopan pa ri tinimit Jerusalén.

Pa ri qꞌat 11:15-33 Kutzijoj jas ri xubꞌan ri Jesús pa ri tinimit Jerusalén.

Pa ri qꞌat 14:61-62 Ri nim kꞌamal kibꞌe ri e chꞌawenelabꞌ cho ri Dios (ri tzujul re ri sipanik cho ri Dios) kuta che ri Jesús we qas are ralkꞌwaꞌl ri Dios.

Pa ri qꞌat 16:1-19 Kutzijoj rij chi ri Jesús xqꞌat tzij puꞌwiꞌ xuqujeꞌ xkamisaxik, kꞌa te riꞌ xkꞌastaj uwach xpaqiꞌ pa ri kaj.