୧ ପିତ୍ର
1 Peter
Introduction from this edition
ପିତରଙ୍କ ପ୍ରଥମ ପତ୍ର
ପିତ୍ରନ୍ ଆରିଡେନ୍ ଆ ପର୍ତମ୍ମୁ ସିଟି
ସନେକୁଲନ୍
କେନ୍ ଆ ସିଟି ପିତ୍ରନ୍ ଇଡେନ୍ । ଆସିଆ ଡେସାଲୋଙନ୍ ତରଙ୍ଆନ୍ନା ଏମ୍ମେଡାଲନ୍ ଅର୍କାବଡ଼ି ଡେସାଗଡ୍ ଆଜିର୍ରେଞ୍ଜି ଆ କ୍ରିସ୍ଟାନୁଜି ଆମଙ୍ ଇଡ୍ଲେ ଆପ୍ପାୟେନ୍ । ତି ଆ ମନ୍ରାଜିଆଡଙ୍ କେନ୍ ତେନ୍ନେ “ଇସ୍ୱରନ୍ ଆସ୍ରେଡାଏନ୍ ଆ ମନ୍ରାଜି” ଗାମ୍ଲେ ଆଇଡିଡ୍ । ଅଙ୍ଗା ମନ୍ରାଜି କ୍ରିସ୍ଟନ୍ ଆମଙ୍ ଆଡର୍ରନେଞ୍ଜି ଆସନ୍ ଡନଣ୍ଡାୟନ୍ ଡ ତନିଡନ୍ କନେଞନ୍ ଞାଙେଞ୍ଜି ତି ଆ ମନ୍ରାଜିଆଡଙ୍ ବନବ୍ୟୋନ୍ ଆସନ୍ କେନ୍ ଆ ସିଟି ଅନିଡନ୍ ଡେଏନ୍ । କେନ୍ ଇଡଲ୍ମରନ୍ ଅବୟ୍ ମନଙ୍ଡମ୍ ଆ ବର୍ନେ ପଡ଼େନେମରଞ୍ଜିଆଡଙ୍ ବର୍ତଜି, ଜିସୁ କ୍ରିସ୍ଟନ୍ ଇନ୍ଲେଞ୍ଜି ଆସନ୍ ରବୁଏନ୍, ସିଲଡ୍ଲ୍ଲନ୍ ୟର୍ମେଙେନ୍ କି ରୁଆଙନ୍ ଜିରେନ୍, ଆରି ବତର ଆନିନ୍ ୟର୍ତନାୟ୍ ଗାମ୍ଲେ ବର୍ରେ ଜିର୍ଜିର୍ଲଙ୍ଲନ୍ । ଆରି ଆନିନ୍ ଆଜିର୍ତାଞନ୍ ଆଡିଡ୍ ଆନ୍ନିଙ୍ଆଡଙ୍ ଅଃନ୍ନାୟ୍ଡୁଲ୍ମଡେ, ମନ୍ରାଞ୍ଜି ଆର୍ଲୁମେଞ୍ଜି ଆ କାବ୍ବାଡ଼ା ଗିୟ୍ଲେ ଅଡ଼୍କୋ ମନ୍ରାନ୍ଆଡଙ୍ ପୁରସ୍କାରନ୍ ଇୟ୍ତାୟ୍ ତିୟେଜି
ପରାନ୍ଡଣ୍ଡନ୍ ଆଡ୍ରେଡେଲଙ୍ଲନ୍ ଆଡିଡ୍ ଆନିନ୍ ଏଙ୍ଗାଲେ ବବ୍ୟୋଲଙ୍ଲନ୍, ଏତ୍ତେଲେ କେନ୍ ଇଡଲ୍ମରନ୍ ନିୟ୍ କ୍ରିସ୍ଟନ୍ ଆ ମନ୍ରାଜି ଅନ୍ତମ୍ ଡକୋନାବା ଗାମ୍ଲେ ଇଡଲ୍ମରଞ୍ଜିଆଡଙ୍ ବର୍ତଜି
ବଇନ୍ ଆ ପନାଲ୍ଲାଙ୍
୧. ଉନେବରନ୍ ।
୨. ଅନୁରନ୍ ।
୩. ମବ୍ଡ଼ିର୍ଲନ୍ ଡକୋନେନ୍ ଆସନ୍ ଞନଙ୍ଞଙ୍ବରନ୍ ।
୪. ପରାନ୍ଡଣ୍ଡନ୍ ଆଡିଡ୍ କ୍ରିସ୍ଟାନୁଞ୍ଜି ଆ କାବ୍ବାଡ଼ା ।
୫. ଅନବ୍ସୁଜ୍ଜେବରନ୍ ।
ଆଜାଡ଼ି ତଙରନ୍. Copyright © 2020 The Word for the World International. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.