परमेस्वर को सच्चो वचन ख जाननू
यूहन्ना 15
यीसु सबसे अच्छी झाड़ की डगियान
“मी सच्ची की फर फरन वाली डगियान आय, अर मोरो बाप किरसान आय। जो डगियान मोरो म हैं अर फर नी फरा, ओखा उ काट देवा हैं; अर जेमा फर लगा हैं ओखा उ छाँटा हैं काहेकि अऊर फरे। तुम तो उ वचन को वजेसे जे मी न तुम से कय्हो हैं, सुध्द हैं। तुम मोरो म बनिया रहनु, अर मी तुम म। जसी डगियान अदि झाड़ की डगियान म लगी नी रहन की ते अपनो तुम म नी फर सका, वसो ही तुम भी अदि मोरो म बनिया नी रहन का ते नी फल फर सका।”
मी सही फर फरन वाली डगियान आय: अर तुम ओकी ड़ाली हुन आय। जो मोरो संग म बनिया रहवा हैं अर मी ओमा, उ ढ़ेर सारो फर फरा हैं, काहेकि मोसे अलग होका तुम कुछ भी नी कर सका। अदि कोई मोरो म बनीयो नी रहन को, ते उ डगियान को जसो फेक दियो जावा, अर सुख जावा हैं; अर इंसान उनका बीन ख आग म डाल देवा हैं, अर वी पानी जावा हैं। अदि तुम मोरो म बनिया रहे अर मोरो वचन तुम म बनो रहे, ते जे भी कुछ माँगे अर उ तुमारो लाने हो जाएगो। मोरो परमेस्वर बाप की बड़ाई ऐसे होवा हैं की तुम ढ़ेर सारो फल लाव, तब जा ख तुम मोरा चेला ठहरे। जसो परमेस्वर बाप न मोसे प्रेम रखो, वसो ही मी न तुम से प्रेम रखो; मोरो प्रेम म बनिया रव। अदि तुम मोरो आग्या हुन का मानेगो, ते मोरो प्रेम म बनिया रहेगो जसो की मी न अपनो बाप को आग्या हुन का मानो हैं, अर ओको प्रेम म बनीयो रहू हैं।
मी न या बात तुम से एकोलाने नी बोलो हैं, कि मोरी खुसी तुम म बनी रहे, अर तुमारी खुसी पुरी हो जाहे। मोरो आग्या यू हैं, कि जसो मी न तुम से प्रेम रखो, वसो ही तुम भी एक दुसरा से प्रेम रखनू। ऐसे बड़ो प्रेम कोई को नी हाय कि कोई अपना दोस्त को लाने अपनी जान दे। जो हुकुम मी तुमका देऊ हैं, अदि तुम ओखा माने ते तुम मोरा दोस्त आय। आज से मी तुमका दास नी कहन को, काहेकि दास नी जाना कि ओको स्वामी या प्रभु का करा हैं; पर मी न तुमका दोस्त कय्हो हैं, काहेकि मी न जो बात हुन अपनो बाप से सुनी, वी सब तुमका बता दियो। तुम न मोखा नी चुनियो पर मी न तुमका चुनो हैं अर तुमका ठहरायो कि तुम जाका फल लाव अर तुमरो फल बनो रहे, कि तुम मोरो नाम से जे कुछ परमेस्वर बाप से माँगे, उ तुमका दे। या बात को हुकुम मी तुमका एकोलाने देऊ हैं कि तुम एक दुसरा से प्रेम रखे।
संसार को बैर
“अदि दुनिया तुम से बैर रखा हैं, ते तुम जाना हैं कि ओ ना तुम से पहले मोसे बैर रखो। अदि तुम दुनिया का होता, ते दुनिया तुम ख अपनो समझ ख प्रेम करतो; पर तुम दुनिया का नी हाय, पर मी न तुमका दुनिया म से चुनियो लियो हैं, एको लाने दुनिया तुम से बैर रखा हैं। जो बात मी न तुम से कही रह, ‘दास अपनो प्रभु से बड़ो नी होवा,’ ओखा याद रखनू। अदि उन ना मोखा सतायो, ते तुमका भी सताएँगो; अदि उन न मोरी बात मानी, ते तुम्हारी भी मानेगो। पर यू सब कुछ वी मोरो नाम को लाने तुमारो संग करेगों, काहेकि वी मोखा भेजन वालो का नी जाना।” अदि मी नी आतो अर उनसे बात हुन नी करतो, ते वी पापी नी ठहरता; पर अब तो उन न उनको पाप को लाने कोई बहाना नी। जो मोरो से बैर रखा हैं, उ मोरो बाप से भी बैर रखा हैं। अदि मी उनमा वी काम नी करतो जो अऊर कोई न नी करो, ते वी पापी नी ठहरता; पर अब तो उन न मोखा अर मोरो बाप परमेस्वर दोई का देखो अर दोई से बैर करो। यू एकोलाने भयो कि उ वचन पूरो होय, जे उनको नेम को किताब म लिखो हैं, उन न मोसे फालतु म बैर करो।
पर जब उ मदत करन वालो आएँगो, जेखा मी तुमरो पास परमेस्वर बाप कि तरफ से भेजूगो, एकोमतलब सच्चई को आत्मा परमेस्वर बाप कि तरफ से निकला हैं, ते उ मोरी गवाई देहेगो; अर तुम भी मोरा गवाह हैं काहेकि तुम सुरू से मोरो संग रया हैं।
परमेस्वर को सच्चो वचन ख जाननू. Copyright © 2023 The Word for the World International and Mehra Bhasha Samiti, Betul, (M.P.). Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.