परमेस्वर को सच्चो वचन ख जाननू
इब्रानियो 8
यीसु नयो अऊर उत्तम वाचा को महायाजक
अब हम जे बात करह हैं ओ म से सब से बडी बात या आय कि हमारो असो बडो पुजारी हैं, जे स्वर्ग पर महामहिम परमेस्वर को सिंहासन को दाहिनो ओर जा बठयो हैं, अर सुध्द जगह अर उ सच्चो तम्बू म जसो प्रभु न स्थापित करयो हतो नी कि अदमी न, सेवा को काम करह हैं।
काहेकि हर एक बडो पुजारी ख ऐको लाने चुन्यो जावह हैं कि वी भेट हुन अऊर बलिदान चढ़ान को लाने ठहरायो जावह हैं। अर ऐको लाने यू बडो पुजारी को लाने भी उ जरुरी हतो की ओको जोने भी चढ़ावन को लाने कही होय। यदि वी जमीन पर होतो ते कभी पूजारी नी होतो, उ याजक नी हो पातो ते काहेकि वाहा पहेलो से ही असो अदमी हैं जे नेम को अनुसार भेट चडावन वाला तो हैं अदि वाहा एक असो आराधना कि जगह म अराधना करह हैं उ सही म एक प्रति रूप हैं अऊर स्वर्ग म जे कही छाया हैं वाहा उसी तरह आय जसो मूसा को संग थो एकोलाने तब मूसा सुध्द तम्बू आरम्भ करन वाला हता ते ओ ख परमेस्वर कि ओर से याहा हुकुम मिल्यो हैं देखो जसो तो ख परवत पर दिखायो गयो थो ओको हिसाब से सब कुछ बनाजो। पर अब जे धर्म सेवा यीसु मसी ख मिली हैं, वाहा कही गुणा बडी हैं; काहेकि वह एक असो नेम को अधिन हैं जे सबसे महान हैं। अऊर उत्तम वादा हुन सहारो को दुवारा बाँधी गई हैं।
काहे कि यदि उ पहलो वाचा बेकसूर होती ते दुसरो को लाने अवसर नी ढुँढो जातो। पर परमेस्वर उन पा आरोप लगा ख कह हैं,
“प्रभु कह हैं कि, देखनु वी दिन आवा हैं
कि मी इस्राएल को घराना को संग, अर यहूदा को घराना को संग, अर यहूदा को घराना को संग नई वादा बाँधूँगो।”
याहा वादा से नी होगा जसो मी न उनको सयाना हुन को संग उ बखत कियो थो
जब मी न उन ख मिसर देस से निकालन को लाने उन की सहायता करी रह प्रभु याहा कहव हैं
उन न मोरो वाचा की नी मानी
एकोलाने मी भी ओकी सुधि नी ली।
फिर प्रभु कह हैं, कि जे वाचा मी वी दिन को बाद इस्राएल को घराना को संग बाधुँगो,
वा या आय कि मी अपनो नयो नेम ख उन को मन म डालूगो,
अर ओ ख उन को हदय हुन पर लिखुगो,
अर मी उन को परमेस्वर ठहरुगो
अर वी मोरा अदमी ठहरे।
अर हर एक अपना देस वाला ख
अर अपना भई ख या सिक्छा नी देह,
कि तू प्रभु ख पहचान,
काहे कि छोटा से बडा लक सब मो ख जान लेहे।
काहे कि मी न उन को अधर्म को बारे म दयावन्त रहूंगो,
अर उन को पाप ख फिर याद नी करन को।
परमेस्वर यू नेम ख नयो कह ख पुकारह हैं एकोलाने ओ न पहली वाचा ख रद्द कर दियो हैं। जे पुराना अऊर व्यवहारिक असीम आय वाहा खत्म होन वाली हैं।
परमेस्वर को सच्चो वचन ख जाननू. Copyright © 2023 The Word for the World International and Mehra Bhasha Samiti, Betul, (M.P.). Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.