1 ಯೊಹಾನ್ 2

ಕ್ರಿಸ್ತ್ ಆನಿ ಮಜ಼ತ್ ಕರತ್ಯಾಲಾ

1ಮಾಜಾ ಬನ್ಹಿ ಬಾವ್ಹಾನು, ತುಮಿ ಪಾಪ್ ಕರಾಚೆ ಆಂದಿ ರಾಹ್ಯಾ ಹ್ಯ ತುಮಾನಾ ಲಿವ್‌ತ್ಯೊ. ಕುನಿತರಿ ಪಾಪ್ ಕೆಲತ ಬಾಪ ನಿಯತಿಚಾ಼ ಯೇಸು ಕ್ರಿಸ್ತ್ ಮಂಥ್ಯಾಲಾ ಮಜ಼ತ್ದಾರ್ ಆಮ್ಚಿಪ ಹಾ. 2ತ್ಯೊ ಆಮ್ಚಾ ಪಾಪಾಂಚೆ ಸಾಟಿ ಪ್ರಾಯಶ್ಚಿತ್ ಯಜ್ಞಜಾ಼ಲ್ಯಾ. ಆಮ್ಚಾ ಪಾಪಾನಾ ತ್ಯವ್ಡಾಸ್ ನವ್ಹ ಸಗ್‌ಳ್ಯಾ ಲೊಕಾಂಚಾ ಪಾಪಾನಾಬಿ ಪ್ರಾಯಶ್ಚಿತ್ ಜಾ಼ಲ್ಯಾ.

3ಆಮಿ ತ್ಯಚಾ ಆಜ್ಞಾ ಸಮಜು಼ನ್ ಚಾ಼ಲತ್ಯಾವ್ ಮನ್ಹುನ್ ತ್ಯೊ ಆಮಾನಾ ಠವಾ ಹಾ ಮನ್ಹುನ್ ಸಮಜು಼ನ್ ಗೆಥಾವ್. 4ಯೊಕ್, ಮೀ ತ್ಯಲಾ ಸಮಜು಼ನ್ ಗೆತಲ್ಯಾ ಮನ್ಹುನ್ ಸಾಂಗುನ್ ತ್ಯಚೆ ಆಜ್ಞಾಚೆಗತ್ ಚಾ಼ಲಾ ನಾಹಿತ ತ್ಯೊ ಲಬ್ಡಾ ಜಾ಼ಲ್ಯಾ. ಖರ ಮನ್ಹಾಚ಼ ತ್ಯಂಚಿಪ ನಾಹಿ. 5ಕೊನ್ತರಿ ತ್ಯಚಾ ಸಬ್ದಾಂಚೆಗತ್ ಚಾ಼ಲಾತ ತ್ಯಚಿಪ ಖರ‍್ಯಾನಿಸ್ ದೇವಾಚಿ ವೈಲಿ ಮಾಯಾ ಪುರಿ ಜಾ಼ಲೆ. ಆಸ್‌ಲ್ಯಾ ಕಾಮಾತ್ನಿ ಆಮಿ ತ್ಯಚಿಪ ಹಾವ್ ಮನ್ಹುನ್ ಸಮಜು಼ನ್ ಗೆಥಾವ್. 6ತ್ಯಚಿಪ ಹಾವ್ ಮನ್ಹುನ್ ಸಾಂಗ್‌ತ್ಯಾಲಾ ಕ್ರಿಸ್ತ ಚಾ಼ಲ್ಯಾಚೆಗತುಸ್ ಆಪ್ನು ಚಾ಼ಲಾಯಾಬಿ ಘಟ್ ಜಾ಼ಲ್ಯಾ.

ನವಿ ಆದ್ನೆ

7ಬನ್ಹಿ ಬಾವ್ಹಾನು ಮೀ ತುಮಾನಾ ಲಿವಾಚ಼ ನವ ನವ್ಹ. ಆಂದಿಸ್ಟಾವ್ನಿ ಆಸ್‌ಲ್ಯಾಲಿ ಜು಼ನ್ನಿ ಆಜ್ಞೆ ಜಾ಼ಲೆ; ಹಿ ಜ಼ುನಿ ಆಜ್ಞೆ ತುಮಿ ಐಕ್‌ಲ್ಯಾಲಿ ವಾಕ್ಯಾಸ್. 8ಫನ್ ಮೀ ತುಮಾನಾ ಲಿವಾಚಿ ನವಿ ಆಜ್ಞೆಸ್; ಹಿ ತುಮ್ಚಿಪಬಿ ಆನಿ ತ್ಯಚಿಪಬಿ ಖರಿ ಹಾ; ಕಸ ಮಂಜೆ ಆಂದಾರ್ ಸಾಂಡುನ್ ಜಾ಼ತೊ, ಖರ‍್ಯಾಚಾ಼ ಉಜಿಡ್ ಆತಾ ದಿಸ್ತೊ.

9ಉಜಿಡಾತ ಹಾ ಮನ್ಹುನ್ ಸಮಜು಼ನ್ ಆಪಲ್ಯಾ ಬಾವ್ಹಾಚಾ಼ ರಾಗ್ ಕರತ್ಯಾಲಾ ಆಜು಼ನ್ ಆಂದಾರಾತ್ ಹಾ 10ಆಪ್‌ಲ್ಯಾ ಬಾವ್ಹಾನಾ ಮಾಯಾ ಕರ್ತ್ಯಾಲಾ ಉಜಿಡಾತ್ ಹಾ. ಆನಿ ತ್ಯಚಿಪ ವಿರೊದ್ ಕಾಯೇಕ್ ನಾಹಿ. 11ಆಪ್‌ಲ್ಯಾ ಭಾವ್ಹಾನಾ ದ್ವೆಶ್ ಕರ್ತ್ಯಾಲಾ ಆಂದಾರಾತ್ ಹಾ. ಆಂದಾರಾತ್ ಚಾ಼ಲ್ತೊ. ಆಂದಾರಾನಿ ತ್ಯಚ಼ ಡೊಳ ಕುರ್ಡ ಕೆಲ ತ್ಯನಿ ಆಪ್ನು ಕುಠ ಜಾ಼ತ್ಯೊ ಮನ್ಹುನ್ ತ್ಯಲಾ ಸಮಜ಼ನಾ.

12ಮಾಯೆಚಾ ಪೊರಾನು, ಕ್ರಿಸ್ತಾಸ್ ಲಾಗುನ್ ತುಮ್ಚಿ ಪಾಪ ಮಾಪ್ ಕೆಲ್ಯಾತ ಮನ್ಹುನ್ ಮೀ ತುಮಾನಾ ಲಿವ್‍ತ್ಯೊ. 13ಬಾನು, ಪೈಲೆ ಠಾವ್ನಿ ಆಸ್‌ಲ್ಯಾಲಾ ತುಮಾನಾ ಠಾವಾ ಹಾ ಮನ್ಹುನ್ ಮೀ ತುಮಾನಾ ಲಿವ್‍ತ್ಯೊ. ದ್ಯಾನ್‌ಗ್ಯಾನು, ತುಮಿ ಬುರ್ಶಾಲಾ ಜಿಕಲ್ಯಾಸಾ ಮನ್ಹುನ್ ತುಮಾನಾ ಲಿವ್‌ತ್ಯೊ.

ಪೊರಾನು, ತುಮಿ ಬಾಲಾ ಸಮಾಜ಼ಲ್ಯಾಸಾ ಮನ್ಹುನ್ ತುಮಾನಾ ಲಿವ್‍ತ್ಯೊ.

14ಬಾನು, ಆಂದಿ ಆಸ್‌ಲ್ಯಾಲಾ ತುಮಾನಾ ಠಾವಾ ಹಾ ಮನ್ಹುನ್ ತುಮಾನಾ ಲಿವ್‌ಲ್ಯಾ. ದ್ಯಾನ್‌ಗ್ಯಾನು, ತುಮಿ ಬಳಾಚ಼ ಹಾಸಾ ಮನ್ಹುನ್ ದೇವಾಚಾ ವಾಕ್ಯಾ ತುಮ್ಚಿಪ ಹತಾ ಮನ್ಹುನ್ ತುಮಿ ಬುರ್ಶಾಲಾ ಜಿಕಲ್ಯಾಸಾ ಮನ್ಹುನ್ ಮಿ ತುಮಾನಾ ಲಿವ್‌ತ್ಯೊ.

15ದುನೆಲಾ ವ್ಹವುನಿ ದುನೆತ್ ಆಸ್‌ಲ್ಯಾಲ್ಯಾಲಾ ವ್ಹವುನಿ ಮಾಯಾ ಕರುನಾಹಿ. ಕಚಾನಿ ತರಿ ದುನೆಲಾ ಮಾಯಾ ಕಿಲಿತ ಬಾವ್ಲಿ ಮಾಯಾ ತ್ಯಚಿಪ ನಾಹಿ. 16ದುನೆತ್ ಆಸ್‌ಲ್ಯಾಲಿ ಶರೀರಾಚಿ ಆಶಾ, ಡೊಳ್ಯಾಚಿ ಆಶಾ, ಬಾಳೆವಾಚಿ ಗರ್ವಿ, ಹ್ಯ ಬಾಲಾ ಸಮನ್ ನಾಹಿ. ದುನೆಲಾ ಸಮನ್ ಹಾ. 17ದುನ್ಯಾ ಆನಿ ತಿಚಿ ಆಶಾ ಹಾಳ್ ವ್ಹವುನ್ ಜಾ಼ತಿ. ಫನ್ ದೇವಾಚ಼ ಚಿತ್ತ ಪುರ್ನ ಕರ್ತ್ಯಾಲಾ ಶಾಸ್ವತ್ ರಾನ್ಹಾರ್.

ಕ್ರಿಸ್ತಾಚ಼ ವಿರೊದಿ

18ಮಾಯೆಚಾ ಪೊರಾನು, ಹ್ಯೊ ಸರ್ತ್ಯಾಚಾ಼ ಕಾಲ್ ಜಾ಼ಲ್ಯಾ. ಕ್ರಿಸ್ತ್ ವಿರೊದಿ ಯತ್ಯಾತ ಮನ್ಹುನ್ ತುಮಿ ಐಕ್‌ಲ್ಯಾಸಾ ಆತಾಸ್ ಕ್ರಿಸ್ತ್ ವಿರೊದಿ ಖುಬ್ ಹಾತ 19ತೇ ಆಮ್ಚಿಪ್ನಿ ನಿಗುನ್ ಗೆಲ್ಯಾಲ. ಕಾ ಮಂಜೆ ತೇ ಆಮಚ಼ ನವ್ಹತ, ತೆ ಆಮಚ಼ ಆಸ್ತತ ಆಮ್ಚಿ ಸಂಗಸ್ ರಾಯ್ಲ ಆಸ್ತ. ಫನ್ ತೇ ಆಮ್ಚಿಪ್ನಿ ನಿಗುನ್ ಗೇಲ ಮನ್ಹುನ್ ತೇ ಸಗ್ಳ ಆಮಚ಼ ನವ್ಹತ ಮನ್ಹುನ್ ಚಾ಼ಂಗ್ಲ ದಿಸುನ್ ಆಲ್ಯಾ.

20ಫನ್ ತುಮಿ ಪವಿತ್ರ ಜಾ಼ಲ್ಯಾಲ್ಯಾಪ್ನಿ ಅಭಿಶೆಕ್ ಗೆತಲ್ಯಾಲಿ ಜಾ಼ಲ್ಯಾಸಾ ಮನ್ಯಾಚ಼ ಖರ ಸಮಾಜ಼ಲ್ಯಾಲಿ ಜಾ಼ಲ್ಯಾಸಾ. 21ತುಮಿ ಖರ ಸಮಜು಼ನ್ ಗೆತಲ್ಯಾಲಿ ನವ್ಸಾಹ. ತುಮಿ ಖರ ಸಮಜು಼ನ್ ಗೆತಲ್ಯಾಲ್ಯಾಸ್ ಲಾಗುನ್ ಕಚ಼ ಲಬಾಡ್ ಖರ‍್ಯಾನಿ ಜ಼ಲ್ಮುನ್ ಯನಾರ್ ನಾಹಿ ಮನ್ಹುನ್ ತುಮಿ ಸಮಾಜ಼ಲ್ಯಾಲಿ ಜಾ಼ಲ್ಯಾಸಾ ಮನ್ಹುನ್ ಮಿ ತುಮಾನಾ ಲಿವ್‌ಲ್ಯಾ.

22ಲಬ್ಡಾ ಕೊನ್? ಯೇಸುಲಾ ಕ್ರಿಸ್ತ್ ನವ್ಹ ಮಂಥ್ಯಾಲಾಸ್ ಲಬ್ಡಾ ಜಾ಼ಲ್ಯಾ ನಾಹಿತ ದುಸ್ರಾ ಕೊನ್ ವ್ಹಯಾ ವ್ಹಯಿಲ್? ಬಾಲಾ ಲೇಕಾಲಾ ನಕ್ವಾಟ್ ಕರ್ತ್ಯಾಲಾ ಕ್ರಿಸ್ತ್ ವಿರೊದಿ ಜಾ಼ಲ್ಯಾ. 23ಕೊನ್ ದೇವಾಚಾ ಲೇಕಾಲಾ ನಕ್ವಾಟ್ ಕರ್ತೊ ತ್ಯೊ ದೇವಾಚಾ಼ ನವ್ಹ. ಕೊನ್ ಲೇಕಾಲಾ ಮ್ಯಾನ್ತೊ ತ್ಯೊ ಬಾ ಜಾ಼ಲ್ಯಾಲ್ಯಾ ದೇವಾಪ್ಲಾ ಜಾ಼ಲ್ಯಾ.

24ತುಮಿ ತರಿ ಕಚ಼ ಸಿಕಿವ್ನ ಆಂದಿಸ್ಟಾವ್ನಿ ಐಕ್‌ಲ್ಯಾಸಾ ತ್ಯ ತುಮ್ಚಿಪ ರಾಹುನಿ. ಆಂದಿಸ್ಟಾವ್ನಿ ತುಮಿ ಐಕ್‌ಲ್ಯಾಲ ತುಮ್ಚಿಪ ರಾಯ್ಲತ ತುಮಿ ಸಾಹಿತ್ ಲೇಕಾಪಬಿ ಬಾ ಜಾ಼ಲ್ಯಾಲ್ಯಾ ದೇವಾಪಬಿ ರಾಯ್‌ಲ್ಯಾಸಾ. 25ತ್ಯನಿ ತುಮಾನಾ ಕೇಲ್ಯಾಲ ವಾಗ್ದಾನ್ ತ್ಯ ಕ್ಯಾ ಮಂಜೆ ಶಾಶ್ವತ್ ಜೀವ್ ಜಾ಼ಲ್ಯಾ.

26ತುಮಾನಾ ಚಾ಼ಂಗ್ಲೆ ವಾಟವ್ನಿ ಚು಼ಕ್ವುನ್ ಚು಼ಕಿಚೆ ವಾಟವ ವಡ್‌ತ್ಯಾಲ್ಯಾಂಚೆ ಗುಶ್ಟಿತ್ ಹ್ಯ ಮಿ ತುಮಾನಾ ಲಿವ್‌ಲ್ಯಾ. 27ಫನ್ ತುಮಿ ತ್ಯಚಿಪ್ನಿ ಗೆತಲ್ಯಾಲ ಅಭಿಶೇಕ್ ತುಮ್ಚಿಪ ಹಾ ಮನ್ಹುನ್ ಕುನಿ ತುಮಾನಾ ಸಾಂಗಾಚ಼ ವ್ಹಯಿ ಜಾ಼ಲ್ಹ ನಾಹಿ. ತ್ಯನಿ ತುಮಾನಾ ಕೆಲ್ಯಾಲ ಅಭಿಶೇಕುಸ್ ತುಮಾನಾ ಸಗ್ಳೆ ಗುಶ್ಟಿತ್ ಸಾಂಗ್‌ತ್ಯಾಲ ಜಾ಼ಲ್ಯಾ ತ್ಯ ಲಬಾಡ್ ನವ್ಹ ಖರ ಜಾ಼ಲ್ಯಾ. ತ್ಯನಿ ತುಮಾನಾ ಸಾಂಗ್‌ಲ್ಯಾಲ್ಯಾನಿಸ್ ತ್ಯಚಿ ರಾನ್ಹಾರ್.

28ಮಾಯೆಚಾ ಪೊರಾನು, ತ್ಯೊ ಪ್ರತ್ಯಕ್ಷ ವ್ಹತಾನಾ ಆಮಿ ತ್ಯಚಾ ಯನ್ಯಾತ್ ತ್ಯಚೆ ಮೊರ‍್ಹ ಉಬಿರಾಹ್ಯಾ ಲಾಜಾ಼ಚೆ ಆಂದಿಸ್ ದಿರ‍್ಹಾನಿ ಆಸ್‌ಲ್ಯಾಚೆಗತ್ ತ್ಯಚಿಪ ರಾಹುಯಾ. 29ತ್ಯೊ ನಿಯತಿಚಾ಼ ಹಾ ಮನ್ಹುನ್ ತುಮಾನಾ ಸಮಾಜ಼್ಲ ಆಸ್ಲತ ನಿಯತಿಚೆಗತ್ ಚಾ಼ಲತ್ಯಾಲಾ ಪರತೇಕ್ ಯೊಕ್ ತ್ಯಚಿಪ್ನಿ ಜ಼ಲಾಮ್‌ಲ್ಯಾಲಾ ಮನ್ಹುನ್ ತುಮಾನಾ ಸಮಾಜ್ನಾ಼ರ್.