Luqaasa
Luke
Introduction from this edition
Luqaasi Xaafida
Yesuus Kiristoosa Wongela
Gaatha Qofa
Luqaasi Yesuusi doorida tammanne nam7u hawaareta giddon deenna. Luqaasa wongelay, Yesuusi koyro nabeta doonan yaana geetetidi odetidaysa, Isra7eeleti naagishe de7iya “Kiristoosa” gideysanne asa koche ubbaa ashshanaw de7ey iya gideysa qoncisees. Luqaasi ba maxaafan, Yesuusi, “Manqotas wongela sabbakanaw” ba aawape kiitetidaysanne he wongelay asay de7iya dumma dumma metuwape kesseysa gideysa odees. Luqaasa wongela giddon, Yesuusa yuussaba odiya koyro shempotaninne Yesuusi salo bidaysa odiya wursetha shempotan qoncidi odetiday ufaysaba. Yesuusi salo bidaape guye ammanoy waanidi diccidaakonne dalgidaako odiya taarikiya ha wongela xaafey hawaareta ooso maxaafan xaafis.
Kiitanchota mazmuriya, Yesuusi yeletida wode henthachoti bidi iya be7idaysa odiya taarikey de7ey Luqaasa wongelana. Qassi Yesuusi na7atethan xoossa keethi bidaysa, qadhetiya Samaare addiyabanne dhaydi bentida na7aba odiya taarikey, Luqaasa wongela xalaalan bentiya taarike. Woosabay, Geeshsha Ayyaanabay, maccasas imetida bessaynne Xoossi nagara atto geysi, Luqaasa wongelan gaxape gaxa gakanaw de7iya waanna qofata.
Maxaafa Ayfe Qofata
Gelo qofa
Xammaqiya Yohaanisanne Yesuusa yeletethi
Xammaqiya Yohaanisa oosuwa
Yesuusa xinqatenne paacetethi
Yesuusi Galilan oothida oosuwa
Galilape Yerusalaame gakanaw
Yerusalaame heeran aathida wursetha saaminta
Hayqope dendo, asaas bentonne salo buussu
Geeshsha Maxaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.