Thaburi 125

Thayũ wa Andũ a Ngai

1Andũ arĩa mehokete Jehova matariĩ ta Kĩrĩma gĩa Zayuni,

kĩrĩa gĩtangĩenyenyeka, no gĩtũũraga nginya tene.

2O ta ũrĩa irĩma ithiũrũrũkĩirie Jerusalemu

ũguo noguo Jehova athiũrũrũkagĩria andũ ake,

kuuma rĩu nginya tene na tene.

3Mũthĩgi wa andũ arĩa aaganu ndũgũtũũra wathanaga

bũrũri ũrĩa ũgaĩirwo andũ arĩa athingu,

nĩguo andũ acio athingu

matikae gũtambũrũkia moko mao meeke ũũru.

4Wee Jehova, andũ arĩa ega mekaga o maũndũ mega,

o acio arũngĩrĩru ngoro.

5No rĩrĩ, andũ arĩa maahũkaga makagera njĩra iria njogomu-rĩ,

Jehova nĩakamaingatanĩria hamwe na arĩa mekaga ũũru.

Isiraeli kũrogĩa thayũ.