2 Ukorinti
2 Corinthians
Introduction from this edition
Ubvur uwu uvaa Uburhu aka atsɛnge abi
Ukorinti
Utsutson ri itsi ubvur Ukorinti uwu uvaa
Uburhu uner itser Uyesu aka amaa itsɛnge abi Ukorinti ubvur uwu inggbaashia, asi idãrhũnga na atsɛng ubvur uwu uvaa. Anu ikaifɛrhkɔ agɛ Uburhu atsɛng ubvur uwurɛ ri ivangyɛ unga aka awe ru Umakidoniya, ra anangkɛ unga aka atɔ̃ itser idzowe Isarhe Iyiki Ize. Atsɛng ubvur uwurɛ ra amɛk aki 55 udzur ru unumkpi umbɔ aka amar Uyesu.
Ubvur uwurɛ udɛyiwe abika adɔsa ru Ukorinti ugɛ icicang ishingge Uburhu ana abemunga umbɔ, ikɛi udɛyiwe umbɔ ugɛ umbɔ agbishu isiseimbɔ nggu Unum ru ubok Uyesu. Akɛrɛ aka amaa, Uburhu ashɔ̃rhã umbɔ ugɛ umbɔ ama akɔng uhwɛk ukpuku uyike abika adɔsa ru Urusharhima, ubinkutsu unga asi ídãrhũnga na aba ru umbɔ.
Anyãmbɔ ugɛ awe ru ubvur uwurɛ Uburhu aka arherha arherhe ri itsinga ananga abvurnga akɔɔ. Akɛrɛ awe rimi ubinkutsu ri ivangyɛ Uburhu aka atsɛng ubvur uwurɛ idamɛn iwengge akarhãrhã ri itsinga nggu abika adɔsa abɔɔ ru Ukorinti.
Ru ubvur ha, Uburhu akaa itsinga ru urhenakpi abi imesi igbɛrangwĩ aka agɔr ugɛ unga asi iwea uner itser Uyesu.
Abinkɛ aka awe umɔ
Utsutson ri itsi ubvur ha
Uburhu nggu abika adɔsa ru Ukorinti
Idzidzowe ra abika adɔsa ru ugbɛr uwu Uyahuda
Uburhu akaa itsinga
Arherhe aki imaatak
Ibibemuwe-Num Iyiki Ifa Ru Dũya. Copyright © 2024 Wycliffe Bible Translators, Inc. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.