1 Timoti 2

1Nkinkaako, lutanzi kuli zyoonse, ndasungwazya kuti nkumbizyo, nkombyo, nkumbililo, alimwi kupa kulumba kuchitilwe bantu boonse, 2kwa Baami alimwi aboonse bali mubweendelezi, kuchitila kuti tupone buumi bwaluumuno alimwi butontwede mubunaleza boonse akuzikatila. 3Eechi nchibotu alimwi chilatambulika kunembo lyaLeza Mufutuli wesu. 4Uulombozya kuti bantu bonse bafutulwe alimwi akusika kuluzibo lwasimpe. 5Nkaambo kuli Leza umwi, alimwi kuli mwiiminini omwe waLeza a muntu, mwaalumi Kkilisito Jesu. 6Wakalipa lwakwe mbuli muulo waboonse, mbuli bukamboni kuchiindi cheelede. 7Nkaambo kamakanze aaya ndakasalilwa kuba mukambawusi akuba mutumwa - ndokwamba simpe, tandilokubeja pe - alimwi muyisi wa baMaasi mulusyomo a musimpe. 8Nkinkaako, ndiyanda baalumi mumasena woonse bakombe alimwi banyampule maboko aasalala kakutakwe kunyema akukazyanya. 9Munzila yomwe, bayelede kuzwata ingubo ntuloko, zipa buntu alimwi alikujata, kabatakwe masusu aalukidwe na ngolide na zyebeka na ingubo zidula, 10pesi zyeelela banakazi aabo baamba bunaLeza kwiindila amilimu mibotu. 11Mwanakazi uyelede kwiiya muchuumunizi amukulibombya koonse. 12Tandizumizyi mwanakazi kuyisya na kubelesya bweendelezi aatala amwaalumio, pesi kupona muchuumunizi. 13Nkaambo Adamu wakasanguna kulengwa, mpawo Eva. 14Adamu takenwa pe, pesi mwanakazi nguwakeenwa alimwi wakaba mubisyi. 15Nikubaboobo, uyofutulwa kwiinda mukuzyala bana, kuti bayinkilila mulusyomo a muluyando a mukusalazigwa aantomwe amunse wamiyeyo.