Biblica® Ochiw Thuolo Motingʼo Loko Manyien™
Zaburi 100
Zaburi mar goyo erokamano.
Gouru koko gi mor ne Jehova Nyasaye, un piny duto.
Lamuru Jehova Nyasaye ka umor;
biuru e nyime kuwero wende mamor.
Ngʼeuru ni Jehova Nyasaye en Nyasaye.
En ema nochweyowa, kendo wan mage;
wan joge, kendo wan rombene mokwayo.
Donjuru e rangeyene kugoyo erokamano
bende biuru e laru mare kupake.
Goneuru erokamano kendo pakuru nyinge.
Nimar Jehova Nyasaye ber kendo herane osiko nyaka chiengʼ;
adierane ochwere e tienge duto.
Biblica® Open New Luo Translation™ / Biblica® Ochiw Thuolo Motingʼo Loko Manyien™. Copyright © 1980, 2002, 2003, 2020 by Biblica, Inc. Used with permission. “Biblica” is a trademark registered in the United States Patent and Trademark Office by Biblica, Inc. Used with permission. Original work available for free at www.biblica.com and open.bible. CC BY-SA 4.0. Typesetting only; no intended changes to scripture wording. BibleKenya is not endorsed by Biblica.
Full source notice & licence · CC BY-SA 4.0 · SourceEdition imported 2026-10-25.