Taytus

Kiŋwakti kə Bɔɔl nì nyaka i

Taytus

Gia yə yi kɔ i Kiŋwakti ki Taytus kələ mə

Kiŋwakti kələ nì nyaka Bɔɔl i sumi yi nyukuni yidɔkɔ bə bɔɔŋ a Taytus. Taytus wələ nì kɔ mi i tumi kidɔkɔ wə a kɔbi ki Bəju, wi nì bee nɔni kitumi kibɔ ka fiəni num mi wi bumni wi Klistus. Wi nì nɔmki bəh Bɔɔl, wi num mi wə wi gamtiki wi i nɔm wi wi gia yi Nyɔ wə. Bɔɔl nì nyaka kiŋwakti kələ i sumi yiwɔ wi num i tumi ki Klɛt wə. Wi nì kɔ fɛiŋ num Bɔɔl bee wi a wi baaŋ wi gamtiki fɛiŋ, tsɛiŋ si nɔm wi kijuŋni ki bəni bə bumni nyaniki.

Bɔɔl ka təfi Taytus kɔm bə kimfə ki bəni bə̀ bɔ kɔ kifwu i kijuŋni ki bəni bə bumni wə si bɔ kaŋaki i numki. Wi nì dzakaki lə si wi ni yɛiŋki bəni bə Klɛt bəduli kwati nɔni kə ki kɔ kichu. Wi chu təfi Taytus si wi kɔ i laniki bəni chi chi i kijuŋni ki bəni bə bumni wə.

Kifwu ki gia kə ki kɔ i Kiŋwakti kələ mə

1:1-4 Kin'yisi

1:5-16 Kɔm kifwu kijuŋni ki bəni bə bumni

2:1-15 Kɔm kimfə kə bəni kaŋaki chi chi i kintəəŋ kijuŋni ki bəni bə bumni wə

3:1-11 Bɔɔl fûku i Taytus gia yə wi kɔ i laniki bəni bə bumni bəchi yɛiŋ

3:12-15 Kiŋgɔksi