2 Kɔlɛn

Kiŋwakti ki kɔmsini kə Bɔɔl nì nyaka i kijuŋni ki

Kɔlɛn

Gia yə yi kɔ i Kiŋwakti ki Kɔlɛn ki kɔmsini kələ mə

Bɔɔl nì nyaka kiŋwakti ki kɔmsini kələ i kijuŋni ki bəni bə bumni i Kɔlɛn, a num i jɔbi wə bəŋgəkə nì yisi ka dzəki i wi bəh kijuŋni kiwɔ. Bəni bədɔkɔ i kijuŋni kələ wə nì kɔ bɔ dza ka gukuliki kɔm Bɔɔl. Ayakalə, Bɔɔl nyaka i chusi a ŋgaiŋ kɔŋki lə nalə a bəh bɔ nûmki i dzaka kimu.

Kiŋwakti kələ dzakaki tsəki i ninshiŋ si Bɔɔl nì tsaki kijuŋni kiwɔ a bɔ wɛ̂li kaŋ yibɔ i bəni bə Klistus bə Judea bə̀ bɔ nì kɔ i ŋgəkə wə. I kimbu kigɔksini ki kiŋwakti kələ mə Bɔɔl nyaka yɛiŋ kɔm gia yə yi chusiki a ŋgaiŋ kɔ waiŋ faaŋni wi Jisɔs Klistus wi ŋkɔŋ. Wi ni dzakaki lə kɔm bəni bədɔkɔ twɛsi i Kɔlɛn ni dza ka yaksi gwu yibɔ a, akɔ bɔ bwa bə ntum bə Jisɔs bə ŋkɔŋ, dzaka a Bɔɔl kɔkə na waiŋ faaŋni wi Klistus wi ŋkɔŋ.

Kifwu ki gia kə ki kɔ i kiŋwakti kələ mə

1:1-11 Kin'yisi

1:12–7:16 Bɔɔl bəh kijuŋni ki bəni bə bumni i Kɔlɛn

8:1–9:15 Kinya i gamti bəni bə Klistus i Judea

10:1–13:10 Bɔɔl dzaka kɔm gia yə yi chusiki a ŋgaiŋ kɔ waiŋ wi ntum wi Jisɔs Klistus wi ŋkɔŋ

13:11-14 Kiŋgɔksi