1 Timɔti

Kiŋwakti ki ninshiŋ kə Bɔɔl nì nyaka i

Timɔti

Gia yə yi kɔ i Kiŋwakti ki Timɔti ki ninshiŋ kələ mə

Kiŋwakti kələ kɔ ki ninshiŋ kə Bɔɔl nì nyaka i sumi yidɔkɔ yɛli wi num Timɔti. Timɔti nì kɔ mi wi Klistus, wi nì kɔ mi wi tumi ki Ɛsia kinchiŋ.

Gia yə Bɔɔl nyaka kɔm yi i kiŋwakti ki ki ninshiŋ kələ mə kɔ yitali. Gia yi ninshiŋ yə wi nì dzaka yɛiŋ təfi a bɔ tɔkniki kɔm nlani wə wi kɔkə wi chəŋ i kintəəŋ ki bəni bə bumni wə. Nlani wələ nì kɔ a, mbi wələ bukumbɛiŋ yɛiŋki lə kɔ mbi wichu, mi kɔlə i kwati mbɔiŋ a jɔbi wə wi kiə biɛiŋ bidɔkɔ biə bi kɔ i nyumi wə bəh jɔbi wə mi nɔki ŋkaiŋni wi nɔni kidɔkɔ ka i nəiŋki biɛiŋ bi dzini bidɔkɔ bəh i numki miŋkpaŋa kɔbi nabə minyuku.

Kiŋwakti kiwɔ dzakaki tə kɔm si Timɔti kɔ i fəki nɔm wi i kijuŋni ki bəni bə bumni kintəəŋ, bəh si bəni kɔ i tsaki Nyɔ. Ki chu dzaka ŋkaiŋni wi kinɔni kə kifwu ki bijuŋni bi bəni bə bumni bəh bəni bə̀ bɔ gamtiki i fəki bənɔm i kijuŋni wə kaŋaki i nɔ̂ki. I kaasi, wi təfi Timɔti si wi kɔ i nûmki ka waiŋ wi nɔm wi Jisɔs Klistus wi ndzɔŋni.

Kifwu ki gia i Kiŋwakti kələ mə

1:1-2 Kin'yisi

1:3–3:16 Bəntəfi si bɔ kɔ i fə̂ki gia i kijuŋni wə bəh kɔm bətii kifwu bi kijuŋni

4:1–6:21 Bəntəfi si Timɔti kɔ i fə̂ki nɔm wi