Ruti

Katagarda ka̱

RUTI

Kuɓa̱yuwa̱

Arabali a nampa a a̱ ta̱wa̱ ta̱ a ayin e te n arabali a na i uɗani a Katagarda ka Afada, ayin a na aza a Isaraila a̱ shirikpa̱ka̱i Ka̱shile kucina̱. Ushirikpi u kucina̱ u le u nampa wa, u ronoko le ta̱ atakaci. Katagarda ka̱ Ruti ko yotsongu tsu ta̱ ci yeve an Ka̱shile kaꞋa ka tsu zuwaka aza a na e nekei ka̱ci ke le wa̱ ni una̱singai. Ruti va aza a Mowabu feu u ciya̱ ta̱ una̱singai u nampa wa ali ɗa u ciya̱i kuꞋuwa a kumaci ka aza a Isaraila.

Uka̱ni u kpaꞋa ku Elimeleki tsu na Buwazu u ɗikai Ruti wo okpoi ni vuka, u yotsongu tsu ta̱ a na ukuna wu uka̱ni wa, u ɗaɗa kaci ka kadanshi punu a katagarda ka nampa (Indanai 4:2-10). Uka̱ni u vuka vu nampa u ɗaɗa u tuka̱i n kumatsa Obedu, a kaya a Dawuda, mogono ma gbayin mi Isaraila, vuza na kpamu wo okpoi koko vi Yesu Kishi.

Ili i na yi punu a katagarda ka nampa:

Nomi u bonoi a Batalami koɓolo n Ruti 1:1-22

Ruti u gasai m Buwazu 2:1 3:18

Buwazu u zuwai Ruti 4:1-17

Kumaci ku Buwazu n Dawuda 4:18-22