Mekecu

MEKECU

Katagarda ke

Kuɓa̱yuwa̱

Katagarda ke Mekecu ka dana ta̱ ukuna u tsumani tsa aza a Isaraila ɗevu n a̱ya̱ amangere, a ayin a na a̱ ka̱sukpa̱i Kusan ku Sinai, ali a kubana a ayin a na a yawai a uɓon u kasana wu uteku u na Ka̱shile ka yaꞋankai le uzuwakpani u kuneke le. Kula ku katagarda ka ki ta̱ a kadanshi ki ili i na katagarda ka ki a kudansa mayin, ɗaɗa mekecu ma na Musa u kecei aza a Isaraila a Kusan ku Sinai kafu a laza lo, m Mowabu feu a kasana ke Kuyene ku Urudu wana ɗai tsukaya ci yoku tsu laza. A̱ ka̱tsuma̱ ka ayin e mekecu e re a nanlo, aza a Isaraila a banai a Kadeshi Baniya a uɓon u ɗaka u kure ku KanaꞋana. Ama a̱ ubuta̱ wa ɗe a fuɗa a uwa a iɗika yu uzuwakpani ya ba. Ana a yaꞋin lo a̱ya̱ n a̱bunda̱i a uɓon wa, ɗa o bonoi a kasana ke Kuyene ku Urudu a̱ ubuta̱ u na uma e le o yoku a vaki ɗa aza o yoku tamkpamu o foɓusoi kupasa kuyene ka a kubana a KanaꞋana.

Katagarda ke Mekecu ke neke ta̱ kadanshi ka tsumani tsu uma a na ubuta̱ u yoku asuvu a̱ gusa̱i le n wovon adama atakaci. Ka yaꞋan ta̱ kpamu kadanshi ka uma a na o yongoi a kuyaꞋanka Ka̱shile ugbamukaci m Musa feu, vuma na Ka̱shile ka zagbai adama a na u uka le kelime. Ki ta̱ feu a kadanshi ku uneki u ka̱ɗu u Ka̱shile a kubana u uma a̱ ni n uka̱ni u ka̱ɗu a̱ ubuta̱ u uma a̱ ni ko a na a wo okpoi a tsurukpai ba, ɗa kpamu i n ugbamukaci. Ɗa feu ka yaꞋin kadanshi ku uka̱ni wa asuvu u Musa a kubana u Ka̱shile koɓolo n ubuta̱ u uma a̱ ni, ko ana wo okpoi makyan mo yoku asuvu a̱ tsu gusa̱ yi ta̱.

Ili i na yi punu udari a katagarda ka nampa

Aza a Isaraila o foɓusoi kuka̱sukpa̱ Kusan ku Sinai (

a. Mekecu ma iyain (

b. Wila̱ kakau (

c. Ka̱ɗiva̱ ka Kupasamgbanai ke ire (

Ili i na i ɗikai a Kusan ku Sinai ali a Mowabu (

Ili i na i yaꞋin ɗe a Mowabu (

Kadanshi ka gbati ka nwalu n na a̱ gita̱i a Masar ali a kubana a Mowabu (

Wila̱ kafu a pasa Kuyene ku Urudu (