Malaci

KENEKI

MALACI

Kuɓa̱yuwa̱

Ili i na kula ku nampa Malaci ki a kadanshi ɗaɗa, vuza va akaka a̱ va̱. A ɗana ta̱ katagarda ayin a̱ya̱ amangatawun (500) Kafu a matsa Yesu (KY), ci na o kotso kumaꞋa A̱Ꞌisa̱ a gbayin a Urushelima. Akaka a gbayin e keneki a ɗaɗa, kuɗeke ku anan ganu n uma a Isaraila ra̱ka̱ a sabaꞋasaka ma̱riki me le a uzuwakpani u le n Ka̱shile. A makyan ma ɗaɗa anan ganu n uma a Isaraila ra̱ka̱ a̱ kpa̱ɗa̱i kutono mejege tsu kuyotsongusu ku Musa. A̱ ka̱na̱i kuyaꞋanka Ka̱shile unushi a̱ ubuta̱ u kuyaꞋanka yi kuneꞋe ku na ku kpa̱ɗa̱i kuyotso.

Kadanshi ka na ka laꞋi a katagarda ka nampa ɗaɗa, <<Kanna ka Vuzavaguɗu.>> A kanna ka nanlo, Vuzavaguɗu wi ta̱ a̱ kuta̱wa̱ u yaꞋan afada, ka̱ta̱ kpamu u ciɗatangu uma a̱ ni ciɗa. Ama kafu ili i nanlo i gita̱ wi ta̱ a̱ ku suku n vuza va akaka vu ni u lapula uye, u sala kpamu ukuna wu uzuwakpani u Ka̱shile.

Ili i na yi punu udari a katagarda ka nampa

Unushi wa aza a Isaraila 1:1; 2:16

Afada a Vuzavaguɗu n asuvayali a̱ ni 2:17; 4:6