Kitaaba Hizqi'elii Raagichaa

Kitaaba Hizqi'elii Raagichaa

Seensa

Hizqi'eliin Raagichi dhaloota Kiristoosiitiin dura woggaa dhibba shanii fi saddeettamii jaatti Yerusaalem adoo hin diigaminiin duraa fi diiganteen duuba booji'amee Baabilon keessa le'aayyu. Jechi raaga isaa worra booji'amee Baabilon keessa jiruu fi kolbaa Yerusaalem keessa leetuuf dabare. Kitaab Hizqi'elii raagichaa kutaa gugurdoo jaatti qoodama.

1. Waaqi akka Hizqi'el raagicha te'u waame.

2. Muraan Waaqaa kolbaa irratti akka dhuttuu fi jinnannii fi badiin Yerusaalemii akka dhuttu ergaa ifi eegachiittu.

3. Gosa biyya adda addaa ta kolbaa isaa cunqursitee fi dokonkorsite akka adabu ergaa Mootii Waan Maraa biraa dabarte.

4. Jinnana Yerusaalemiitiin duuba Israa'el jajjabeessiisaa fi wonni dansaan gara duraa akka isi'iif teetu, jecha waada'aa ka himame.

5. Raaga Waaqa mormu.

6. Galmi Waaqaatii fi mootummaan Israa'elii addee ifii ta duriititti akka deebi'ane fakkii Hizqi'el dhagge.

Hizqi'el nama dhugeeffannaa guddoo qabuu fi nama waan gara duraa te'u fageessee yaadu. Inni waan gara duraa te'u hedduu bifa mudhi'iitiin dhagge. Ergaa isaa keessaa hedduun hujii fakkeennaatiin ifa teetee himante. Hizqi'el irra caalaa haareffamiisi gadhaa keessaatii fi ayyaanaa barbaachisaa akka te'e, nami tokko tokkooyyuu cubbuu ifiitiif itti gaafatamaa akka te'e mudhise. Inni marroo haareffamiisa jiruu kolba'aalle addii ifii lallabeera. Hizqi'el hayyicha, raagichalle waan te'eef, Galma Waaqaatii fi woyyumma'aafille fedhii addaa qabaayyu.

Haadhoo Dubbi'ii

Hizqi'el waamame

Ergaa Marroo Badii Yerusaalemii

Gosa Biyya Adda Addaa Irratti Muraa Waaqaa

Waadaa Waaqi Kolbaa Ifiitiif Qabu

Raaga Waaqa Mormu

Mudhii Marroo Galma Waaqaatii Fi Lafa Gara Duraa