Da:niele

Da:niele

(Da:i Sia: - Daniel; Modu – Daniela; Bisini – Daniel)

Hidadea Sia:

Da:niele da ea buga dedei ode 530 YHM amoga dedei. Ea dedei esoha, Yu dunu da se bagade nabasu. Bai Ba:bilone hina bagade amo Nebiuga:denese da Yu dunu huluane ilia sogega mugululi asili, Ba:bilone sogega udigili hawa: hamomusa: oule asi. Ba:bilone hina da gasa bagadeba:le, amo soge ganodini ilia da se bagade nabasu. Da:niele da ea buga ganodini, dunu ilia sia: amola dunu ilia simasia ba:su amola esala ba:su olelesa. Amoga e da ea fi dunu ilia dogo denesimusa: dawa:i galu. Wali ilia da se nabasu, be fa:no ilia da bu hahawane ba:mu amola Gode Ea fi dunu da ilima ha lai ilima hasalasimu, e da olelei.

Da:niele Buga da olelesu la:idi aduna gala, amo,

(1) Da:niele amola ea na:iyado mugululi asi dunu ilia hou. Ilia da Gode Ea hou dafawaneyale dawa:beba:le amola Ea sema amoma noga:le fa:no bobogebeba:le, ilia da ilima ha lai dunu ilima hasalasu hou dawa:i. Amo hou da Ba:bilone hina bagade amola fa:no Besia hina bagade ilia ouligibi esoga ba:i.

(2) Da:niele da ea esala ba:su olelesu. Amo esala ba:su ganodini, Gode da fa:no misunu hou amo ema olelei, amo dunu fifi asi gala mogili da heda:le, gasa bagade hamone, amola fa:no dafamu, amo hou olelei. Fa:no agoane, nimi bagade dunu fi huluane da dafane, Gode Ea fi dunu da hinawane esalumu.

Sia: Dedei

1 Da:niele amola ea Na:iyado Dunu...Sia:alalo 1:1 - 6:28

2 Da:niele ea Esala Ba:su...Sia:alalo 7:1 - 11:45

(a) Wadela:i Ohe Fi Biyaduyale gala...Sia:alalo 7:1-28

(b) Sibi Gawali amola Goudi...Sia:alalo 8:1 - 9:27

(c) Sia: Adole Iasu da Hebene amoga misi...Sia:alalo 10:1 - 11:45

(d) Soge Wadela:mu Eso...Sia:alalo 12:1-13