Mata 4

Tomo'on to Yesu

1Nande benhyan be Onhon bya owane Yesu n cenge tu ho'i, kitunbul ki ma̱'in wu. 2Na wan den a̱hibi opa na̱shi nageta opa na̱shi, n re'ore wa hoge renmonron. 3Nande woto wo tomo'on wa rage pewa wa hyen, <<She gawo Ba'a wo Onhon go, hyen otare wanna o magiwuro irikorya.>>

4Ayesu wa̱ ra̱'a̱ni wa hyen, <<A range nhyen: nce niri korya bawa go woto won to na'an nehono, ama n monran ma sorya pa Onhon.>>

5Kitunbul ta'a kya uwanakane Iyesu n bikira̱n be egewa na Onhon n Urshalima pa ce'en. 6<<Kya hyen wo, she gawo Ba'a wo Onhon go,>> matacege unbu nanwon n kida̱. Enande a range nhyen:

<<Won to hyen atoma na a̱ba̱ye nonwan awo sa̱ka̱ni,

wo rawon to kenya ko kolage.>>

7Ayesu wa̱ ra̱'a̱n bu wa hyen, a range nhyen: Kure ma̱'a̱ni Ashawa Onhon nanwon.>>

8Kitunbul kya uwanakane Iyesu nudu rowa ke bisa̱gi wu ca togoma to kanniyan n uru na towa. 9<<Kitunbul kya hyen wo, nan bo pana iriri wanna ca she wu kuki awon men dange sojada.>>

10Ayesu wa hyen wo <<N pa̱gi pa̱ri, gawo kitunbul! a range n hyen Ashawa Onhon nanwon go won to dangya cegema n to hewaka obawa.>>

11A̱bire kitunbul ke ga̱'i Yesu, atoma na a̱ba̱ye a rage a̱ beni wu.

12Na Ayesu wo hoge nhyen a owane I yohana n kurkuku, wa mokoshen Galili. 13Wa̱ ga̱'i o Nazarat, wa̱ huri wa koreke n Kaparnahun n suna̱ na ube na uru, n ita̱nu na cenge to Zabaluna n Naptali, 14na an ma shintuma̱na̱ monran ma Wotoma wo Onhon a Ishaya ama hyan:

15<<Cenge to Zabaluna n cenge to Naptali, n be'awo be Baha,

n kaca na Ube na Urdun,

n Galili n be'awo be ato naande cewo a Yahudawa,

16Ato na yan'cewo Onhon

A̱ hendi tohan'an to Onhon,

ato na koreke keto nu'o,

Tohan'an twa ragane ga.>>

17Nasorya n beka̱ni bire Ayesu wa̱ ri tobansan, wa ange <<ma̱shishingi ba, beka̱ni be Onhon ton dan togoma to tonran to ato nonwan o ne'enyan keto.>>

Ohece na Ato na Moma'anga ana ka̱hin

18a Yesu won tohano n be'awo be Ube na Galili go a̱nno wa̱ wuri yan'on ato suwa̱ rewu, a Saminu awo ata hecega i Bitrus n woto suwa̱ wo wa Andarawus. She an to masanga ika̱li nanwan nube na uru enaande awa ato na to kentaga nwa̱ gu. 19A Yesu wa hyen ga, n dope ba nan be giwuro ato na tokentagana ato to rage pimi.>> 20a̱birebire a̱ ga̱'i ika̱li nanwan a rope i Yesu.

21Na a maheketane, wa̱ wura̱ka̱ni ato rewu, awa ta'a ato suwa̱ go, Ayakubu ba'a wo Zabadi, n woto suwa̱ wo wa Ayohana, nanmen ohato pa̱ka̱ na ashawa nanwan Azabadi she an to nangana ika̱li nanwan. Ayesu wa hecegane ga. 22A̱birebire a̱ ga̱'i ohato nanwan nashawa nanwan a rope Iyesu.

a Yesu wo hogake ato na̱ ruma̱ga̱gi

23a Yesu wa̱ peringa̱na̱ Ogalili, wan tubisa̱ga̱ ga n sheworo she aduwa, wan tobansan monran ma rotome ma togoma to Onhon, ta'a wan to hogaka kobe shegoma she ato. 24Monran ma Yesu ma̱ gegi ba̱nba̱n cenge to Suriya, ato a uwangane ato na rumanga̱gi ba̱nta̱ba̱nta̱, nato nan ma̱supo nato na omange npera, nato na ma̱'uwa̱'uwa̱, nato na ma'inna a Yesu wa hogake ga. 25Ato na yemi cenmon a rope wo nasoryan Galili, nan awon nan cesonceson opa n Urshalima, n Yahudiya, ta'a n kaca na ube na Urdun.