2 Isaŋ

2 Isaŋ

An'ɔ Isaŋ ɔyɔnɛ-ɛ, t'ake tɔ pəmar pakaraŋɛnɛ areka ŋɔn ŋa mɛrəŋ-ɛ?

Isaŋ wəsom wəka Yesu ɛnacicəs areka ŋɔn ŋa mɛrəŋ nŋɛ meren wəco camət-maas kɔ kəcamət (85) kəbəp ka meren wəco camət-maŋkəlɛ kɔ kəcamət (95) ntɛ kəkom ka Yesu Krist kənacepər mɔ. Isaŋ ɛnamentərnɛ fɛ kəyɔnɛ ka wəcicəs ka areka ŋaŋɛ, mba encwenɛ nkɔnsərka «Wəbeki». Moloku ma Areka ŋa mɛrəŋ ŋa Isaŋ mɔlɔtərnɛ kəsurɛnɛ mmɛ ambəp Kawandi kɔn mɔ. Tatɔkɔ tɔ tɛntam kəyi pəmɔ tɔkɔ oloku teta tosom ta Yesu mɔ, a pabɔtərɛnɛ aŋɛ kɔ akɔ. Kɔ ntɛ oloku kəbɔtər ka Yesu dəmosom mɔ (1.5-6, Isaŋ 15.9-10). Ancɛm-cɛmnɛ a Isaŋ wəsom wəka Yesu ɛnacicəs Kawandi kɔn kɔ reka yɔn maas tɛm ntɛ ɛnayi dare da Efesi mɔ. Isaŋ ɛnacicsɛ kəloŋkanɛ ka alaŋ a Yesu nkɛ ɛnawe «Wəran wəyɛk-yɛk kɔ awut ɔn»

Tokotərɛnɛ ta moloku m'areka

1. Isaŋ oncop areka pəcbonc akɔ ancicɛ ŋi mɔ pəcyifɛnɛ ŋa sɔ (1.1-3).

2. Kɔ tɛyɛfɛ dənda-ɛ pəcyeŋkəs kəloŋkanɛ ka alaŋ a Yesu bəkəc, pəccɛm-cɛməs ŋa sɔ tosom tɔkɔ tɛmbɛk mosom fəp mɔ (1.4-6).

3. Kɔ tencepər-ɛ, Isaŋ oloku afum kəkɛmbərnɛ atiŋkər afum aŋɛ ŋander mɔ (1.7-11).

4. Kəloŋkanɛ ka alaŋ a Yesu nkɛ eyi mɔ, k'ɛləpsər kəyif (1.12-13).