যিৰি

যিৰিমিয়া

গ্রন্থ ৰচয়িতা

এই পুস্তকৰ লিখক যিৰিমিয়া, তেওঁৰ লিখক বাৰুকৰ সৈতে এই পুস্তক লিখিছিল। যিৰিমিয়াই এজন পুৰোহিত আৰু ভাববাদী হিচাপে সেৱা আগবঢ়াইছিল, তেওঁ আছিল হিল্কিয়া নামেৰে এজন পুৰোহিতৰ পুত্র (তেওঁ মহা-পুৰোহিত নাছিল, 2 ৰজাৱলী 22:8, তেওঁ আছিল অনাথোৎ নামৰ এখন ক্ষুদ্র গাওঁৰ পৰা (যিৰিমিয়া 1:1-2))। বাৰুক নামেৰে এজন লিখকৰ দ্বাৰা তেওঁ পৰিচর্যাত সহায় পাইছিল, যিৰিমিয়াই তেওঁক শ্রুতলিপি দিছিল আৰু তেওঁ তাকে লিখিছিল, আৰু ভাববাদীৰ বাণীবোৰ সংকলন কৰি লিখাৰ পাছত সকলোবোৰ তেওঁৰ অধীনত আছিল (যিৰিমিয়া 36:4,32; 45:1)। যিৰিমিয়া এজন ক্রন্দন কৰা ভাববাদী হিচাপে পৰিচিত (যিৰি. 9:1; 13:17; 14:17), এটা দ্বন্দ্বৰ মাজত জীয়াই থকাৰ জীৱন আছিল তেওঁৰ, কাৰণ তেওঁ বেবিলনীয়সকলে আক্রমণ কৰাৰ দ্বাৰা সোধবিচাৰ হ’ব বুলি ভাববাণী কৰিছিল।

লিখাৰ স্থান আৰু সময়

লিখাৰ সম্ভাব্য সময় প্রায় 626-570 খ্রীষ্টপূর্বৰ ভিতৰত।

সম্ভবতঃ বেবিলনত নির্বাসনৰ কাল অলপ শেষ হোৱাৰ সময়ত যদিও কিছুমানে বিবেচনা কৰে যে, এই পুস্তকৰ সম্পাদনা পাছলৈও ধাৰাবাহিকভাবে কৰা হয়।

প্রাপক

যিহূদা আৰু যিৰূচালেমৰ লোকসকল আৰু পাছত বাইবেলৰ সকলো পাঠক।

উদ্দেশ্য

এই যিৰিমিয়া পুস্তক খনে আমাক এটা নতুন প্ৰতিজ্ঞাৰ পৰিস্কাৰ আভাস প্রদান কৰি কয় যে, ঈশ্বৰে তেওঁৰ লোকৰ সৈতে সংকল্পিত খ্রীষ্ট এবাৰ পৃথিৱীলৈ আহিব। এই নতুন চুক্তিৰ অর্থ হ’ল ঈশ্বৰৰ লোকসকলৰ কাৰণে পুনৰুদ্ধাৰ হোৱাৰ কথা কোৱা, যেনে তেওঁ তেওঁৰ লোকসকলৰ মাজত তেওঁৰ বিধান শিলৰ ফলিত লিখাতকৈ মাংসময় হৃদয়ত লিখিলে। যিৰিমিয়া পুস্তক খন যিহূদাৰ প্রতি চূড়ান্ত ভাববাণীৰ এক তথ্য, যদি জাতিৰ লোকসকলে মনপালটন নকৰে, তেনেহলে আহিবলগীয়া ধ্বংসৰ বাবে ই এটা সতর্কবাণী আছিল। যিৰিমিয়াই জাতিক ঈশ্বৰলৈ ঘূৰি আহিবৰ বাবে আহ্বান লৈ আহিছিল। একে সময়তে, যিৰিমিয়াই স্বীকৃতি দিছিল যে অনৈতিকতা আৰু ব্যাভিচাৰৰ কাৰণে যিহূদাৰ ধ্বংস অৱশ্যাম্ভাবী।

মূল বিষয়

সোধবিচাৰ।

প্রান্তৰেখা

1. ঈশ্বৰৰ দ্বাৰা যিৰিমিয়াৰ আহ্বান — 1:1-19

2. যিহূদাৰ প্রতি সতর্কবার্তা — 2:1-35:19 যিৰিমিয়াৰ দূখভোগ — 36:1-38:28

3. যিৰূচালেমৰ পতন আৰু ইয়াৰ পৰিণতি — 39:1-45:5

4. জাতি সমূহৰ সম্পর্কে ভবিষ্যত বাণী — 46:1-51:64

5. ঐতিহাসিক পৰিশিষ্ট — 52:1-34