A̠filimon

A̠d̠ire Wa̠ Apo̠l Age̠ Agi̠o̠m

A̠filimo̠n

Bho̠

Otighom

A̠nwunom o̠ro̠ ado̠l e̠bana bha̠ abar ola̠ a̠d̠izo d̠a̠ irileghom A̠rom, sa̠ u̠bi̠gh ma̠a̠ idi a̠nwunom ta̠ Akrai̠st eka̠ enwuna̠ ma̠ aru̠bana. A̠filimo̠n a̠nwuna̠ ma̠ e̠bana ola̠ ubhelegi ma̠ Onisimo̠s. Obhel aro̠ ma̠ ola̠ Onisimo̠s a̠b̠igh i̠na, sa̠ a̠ghil ad̠u̠a. D̠a̠ oloko A̠rom bha̠ alu̠kpe̠ bho̠ bha̠ omugh. Apo̠l amanana ma̠ Onisimo̠s d̠a̠ obhel wa̠ i̠na a̠ghil ad̠u̠a bho̠, sa̠ Onisimo̠s a̠ten o̠ni̠ ta̠ Akrai̠st. Sa̠ Apo̠l a̠ruom Onisimo̠s omula̠ o̠gi̠ d̠a̠ o̠ni̠ wa̠nwuna̠ i̠na bho̠. Apo̠l a̠nigha̠ i̠na ma̠ a̠d̠ire a̠lebh ma̠ obhin o̠gi̠o̠m o̠yo̠, ola̠ na̠ a̠puru ma̠ A̠filimo̠n a̠kpon i̠karabh ta̠ Onisimo̠s asi̠ghe ma̠ a̠d̠ien, ya̠a̠ a̠bhin i̠na ma̠ agu̠o̠ umor d̠a̠ Akrai̠st. Agu̠b̠an ka̠ Apo̠l ab̠aram na̠ a̠d̠ire a̠lebh ola̠ i̠na age̠ ma̠ ola̠ aso̠si̠ A̠kolosi a̠nigha̠ ma̠ Onisimo̠s. Apo̠l amara d̠a̠ e̠mu̠ e̠bana Onisimo̠s ale̠gh A̠filimo̠n. Onon na̠ a̠leriom abar wa̠ Akrai̠st a̠gir a̠nigha̠ i̠yar bho̠. Agu̠o̠ Apo̠l a̠bhin a̠dila̠de e̠mu̠ e̠bana bho̠ ale̠gh A̠filimo̠n bho̠, obha̠ onin agu̠o̠ Akrai̠st na̠ amara na̠ a̠siseiny na̠ a̠nigha̠ i̠yar ya̠ u̠ro̠ ma̠ aru̠bana ta̠ i̠karabh bho̠. Agu̠o̠ utulugi ma̠ Onisimo̠s na̠ A̠filimo̠n bho̠, obha̠ onin agu̠o̠ u̠wo̠l d̠a̠ Akrai̠st utulugi i̠yar na̠ A̠zib̠a̠. Agu̠o̠ Apo̠l amara ma̠ o̠kpe̠ o̠mu̠gh ta̠ e̠bana bho̠, obha̠ onin agu̠o̠ Akrai̠st akpe̠ ma̠ o̠mu̠gh i̠karabh d̠i̠yar. A̠sora̠n i̠yar omula̠ o̠gi̠ d̠a̠ A̠zib̠a̠ Wa̠nwuna̠ i̠yar ka̠ o̠ro̠ rob̠a̠ra̠motu d̠o̠yo̠, ma̠ agu̠o̠ Onisimo̠s. Agu̠o̠ A̠filimo̠n ada ma̠ Onisimo̠s a̠bhin bho̠, A̠zib̠a̠ na̠ a̠bhelegi nyam o̠we̠le̠man i̠karabh, o̠bho̠ro̠gh od̠igh onin, ob̠ogion reb̠agh ya̠ o̠ku̠a, sekina̠ o̠da a̠rumor, na̠ aru̠marani̠ d̠a̠ Akrai̠st obhin.

Aru̠mu̠ i̠di̠ar ya̠ u̠ge̠ bho̠

Rebu a̠d̠ire bho̠ Apo̠l a̠bheleguma̠ ma̠ A̠filimo̠n

Apo̠l ase̠bh A̠filimo̠n

Apo̠l ale̠gh A̠filimo̠n ebula̠ O̠ne̠si̠mo̠s

Okunugiom bho̠